Nga, Agron Prebibaj
Mora shkas nga botimi publicistik “E vërteta mbi demokristianët e Kosovës”, një rrëfim demokristiani i sinqertë dhe korrekt përballë publikut.
Sinqerisht gjatë leximit të këtij libri mësova të reja në politikëbërjen e demokristianëve kosovar e cila gjatë periudhës afro 30 vjeçare, përveç suksesit, rruga e saj ishte e mbushur me vuajtje, kërcënime e peripeci të tjera brënda familjes demokristiane ose e thënë ndryshe allashqiptare.
Njëri nga themeluesit e Partisë Shqiptare Demokristiane të Kosovës (PSHDK) zoti Zef Morina një personalitet ky i zgjedhur që herët në strukturën drejtuese të partisë merr kosto me zigzaket e veta të cilat kapërcehen me qëndresën, përkushtimin e maturinë e politikanit të shëndoshë.
Pas një suksesi politik të PSHDK-së në 13 -14 vitet e para duke u rënditur si forcë e dytë politike në koalicion me LDK-në e Rugovës, me patjeter se edhe këtu do të futej djalli në mes për përçarje e cila tashmë do të shoqërohej edhe me tkurrje të elektoratit.
Pa marrë përsipër të evidentoj shkakun, arsyet, individin apo individët, logjika të çon në përgjegjësi direkte të lidershipit i cili krijoi këtë krisje në drejtimin e partisë, kala e ndërtuar bashkarisht e cila han energji për riformatim e besueshmëri.
Në fakt politikani Zef Mirina pjellë e demokracisë kristiane që në fillesë, u rrit dhe u maturua për politikën kosovare duke drejtuar Parlamentin e Kosovës në postin e n/kryetarit, për 4 vite ministër i Telekomunikacionit e Infrastrukturës, mjaft i suksesshëm në postet shtetërore, pra zyrtari më jetëgjatë në qeverisjen kosovare, njëkohësisht drejtuesi numër dy i partisë, arrihet deri në largimin e tij nga partia me pakicë absolute, kjo qëllimkeqe, aspak qytetari demokristiane për njeriun që u shndërrua në personalitet publik i respektuar dhe i dashur për të gjithë Kosovën.
Si personalitet i rëndësishëm i qeverisjes kosovare zoti Morina detyrohet të mbledhë partinë në një sigel tjetër PDKI me qëllim final ndërgjegjësimine secilit demokristian për tu bashkuar së shpejti në një çader e cila do të ishte mundësia reale në politikëbërje, për të qëndruar gjithnjë si qershia mbi tortë në politikën kosovare.
Duhet theksuar se zoti Morina pati sukses me siglën PDKI duke u zgjedhur si deputet në zgjedhjet parlamentare si dhe mjaft sukses në zgjedhjet lokale, por gjithnjë me shikim nga perëndimi për bashkimin e demokristianëve duke hapur siparin e bashkëpunimit me cilindo.
Shumë shpejt PDKI dhe PDSHK me mendjet e tyre të ftohta u gjet formula e unifikimit në një të vetme nën siglën e parë PSHDK.
Një sihariq i mirë ky e ogur bardhë për politikën shqiptare në tërësi.
Sot politikani Zef Morina me konseguencën e tij është i zgjedhur
n/kryetar i PSHDK-së dhe kryetar USHDK-së, pozicione të cilat e ngarkojnë me përgjegjësi për jetën politike të gjithë demokristianëve në të gjitha trojet shqiptare.
Tashmë PSHDK me kryetar dr. Uke Berisha realisht është një parti elitare me frymë të shëndoshë demokratike e properëndimore, ka në gjirin e vet potenciale të gatshme për sipërmarrjen dhe ballafaques ndaj publikut, por si kudo fillojnë pluhurat e përgjumja të cilat shkunden e zgjohen nga mendje të tjera që afrojnë me ne, për ekspertët demokristian mbetet parësore ndërtimi i strategjisë së tyre për të tërhequr intelektualë të zotë në karrierën e tyre, përveç detyrimit për të rinjtë dhe gratë.
