Me një përvojë të gjatë ndërkombëtare dhe me një eksperiencë të bollshme në fushën e ndërtimeve, çertifikuar nga vlerësime të shumta në vendin fqinj, Itali, ish-deputeti Eduart Ndocaj, një biznesmen i suskesshëm pikërisht falë kësaj fushe, së fundi është bërë një nga zërat më prezent në mediat shqiptare, ku përmes opinoneve dhe sugjerimeve të tij, vazhdon të jetë i bindur se katastrofa dhe tragjedia e tërmetit të 26 nëntorit. është pikërisht nga dora vrastare e shtetit të ndërtuar gjatë viteve të pluralizmit, ku sektori i ndërtimit u trajtua pa asnjë qasje ligjore, por thjeshtë si shpërblim për militantët partiakë, të cilët filluan të ndërtojnë si të babëzitur duke gllabëruar hapësirat publike dhe duke ngritur kulla dhe pallate në çdo vend, dhe të pambështetura në plane studimi dhe vlerësime urbanistike.
Më pas, Ndocaj, një ekspert i fushës, ku ka ndërtuar shumë objekte të rëndësishme dhe me peshë inxhinierike në Itali, ka evidentuar se në vendin tonë mungojnë tërësisht hallkat e një sistemi rigoroz që do të mundësonte kritere të qarta për investuesit dhe zbatuesit teknik të ndërtimeve, dhe për pasojë, Ndocaj nënvizon se sektori ndërtimor është tërërsisht korruptiv dhe abuziv. Mjafton të shohësh oligarkët e ndërtimeve, të cilët janë të lidhur me pushtetarët kryesorë të vendit dhe aty do të kuptoni arsyen e degradimit dhe të hallkës korruptive.
“Tragjedia e ndodhur ka qenë e paralajmëruar, pasi kjo katrahurë ndërtimore, pa kritere dhe jashtë çdo standardi, padyshim që do ishte një rrezik permanent”,-pohon Ndocaj në videon-komunikiminim e shpërndarë sot në rrjetet sociale.
Përmes një shpjegimi teknik, “kaubojsi” vazhdon të apelojë instancat shtetërore për marrjen e masave urgjente në drejtim të rivlerësimit të sistemit ndërtimor dhe të përmirësimit të legjislacionit në këtë fushë, duke vendosur kritere të mirëfillta që sanksionojnë rregulla dhe zbatueshmëri rigoroze.
