E dini se truri është organi më i fuqishëm për sa i përket seksit? Po e vërtetë.Një nga gjërat e fundit që iu shkon në mendje gjatë seksit janë kimikatet, por në fakt ato janë më të përfshira nga sa ju mendoni. Një studim tek gratë zbuloi se deri në 30 zona të trurit janë aktive që çojnë më pas drejt orgazmës.
Disa pjesë të trurit nxehen. Sistemi limbik, një rajon më primitiv i trurit përgjegjës për lëvizjet fizike dhe elementët e përpunimit emocional, aktivizohet gjatë seksit. Pjesë të tjera të korteksit cerebral që kontrollojnë arsyetimin më të lartë, megjithatë, mbyllen. Si pasojë, vetë akti seksual nxitet më shumë nga instinktet dhe emocionet sesa nga mendimi racional.
Disa pjesë të tjera të trurit ftohen. Është interesante se dy fusha specifike të trurit duket se mbyllen gjatë seksit te gratë. Një pjesë që mbyllet përfshin gjykimin dhe ndërgjegjësim shoqëror, që mund të jetë arsyeja pse njerëzit thonë, “dashuria është e verbër”. Sfera e trurit që lidhet me vetëdijen dhe vetë-frenimin është zbuluar gjithashtu se çaktivizohet në trurin e femrave gjatë seksit.
Truri juaj çliron dopamine. Gjatë seksit truri çliron nivele më të larta të substancave neurokimike se zakonisht. Këto substanca kimike ndihmojnë në rregullimin e aktivitetit seksual. Një nga këto substanca neurotransmetuese është edhe dopamina që ngjall ndjenjën e dëshirës, euforisë dhe kënaqësisë.
Truri juaj çliron oksitocin. Oksitocina është hormoni i cili shërben si një neuro-transmetues dhe që rrit dëshirën seksuale dhe orgazmën. Megjithatë ka një keqkuptim se ky hormon e bënë më të fortë lidhjen e partnerve pas orgazmës. Gjithashtu oksitocina e çliruar gjatë seksit ka efekt qetësues, pra eliminon dhimbjen.
Truri juaj çliron “vasopressin”. Edhe pse disa studime sugjerojnë se ndryshimet e “vasopressin” mund t’i bëjnë gratë të përjetojnë aktivitetin seksual më shumë si një lidhje emocionale, ndryshimet e saj janë më të mëdha tek meshkujt. Duke pasur parasysh se ajo nxit pagjumësinë, kjo mund të pasqyrojë dallimet gjinore, për shembull faktin se meshkujt tështijnë menjëherë pas seksit.
Truri juaj çliron serotonin. Serotonina ndihmon në rregullimin e humorit dhe gjumit. Meqenëse kjo e fundit rritet gjatë procesit seksual rrit edhe ndjenjat e lumturisë dhe kënaqësisë. Seksi kur kryhet në kushte të shëndetshme, rregullon humorin tuaj, pakëson stresin dhe përmirëson dhe memorien.
Truri juaj çliron norepinefrinë. Norepinefrin rrit vëmendjen dhe energjinë. Shumë stereotipe si të qenit në dashuri ose epsh, humbje e oreksit, energji të tepërt dhe probleme me gjumin, shoqërohen me përqendrime të larta të norepinefrinës.
Disa nga këto ndryshime i bëjnë njerëzit të pa lumtur. Pas orgazmës, truri juaj rrit nivelin e prolaktinës dhe ul atë të dopaminës. Ky ndryshim shpjegon ndjenjat e trishtimit pas seksit apo edhe ndjenjat e pendimit ose vetmisë.
Të gjithë këto ndryshime kimike në tru e kanë një qëllim. Jo vetëm që këto ndryshime kimike në tru e bëjnë eksperiencën më të kënaqshme, por kanë edhe vlera. Seksi është jetësor për mbijetesën tonë si një specie, kështu që ka kuptim që akti do të jetë i dobishëm, i pëlqyeshëm dhe na bën më pak të pambrojtur ndaj shqetësimit fizik që mund ta ndërpresë veprimin.
