Jetojmë në një botë të dominuar dhe kontrolluar nga njerëzit më grykës, më të rafinuar, më djallëzor dhe më krimogjen që i njeh historia.
Në një botë ku pas çdo humanizmi të përmasave botërre strehohet një djallëzi dhe tragjedi e përmasave botërore.
Në një botë aq të koklavitur ku askush kurrë se din se çka është e tija e çka jo.
Kushdo që mendon se shtetet e varfëria, ato në zhvillim, por edhe disa shtete të pasura dhe në shikim të parë të fuqishme, kanë ingerenca mbi territorin e tyre, pasuritë nëntokësore dhe mbitokësore, kapitalin real, fiktiv dhe efektiv, resurset njerëzore, rezervat shtetërore, sigurinë e shtetit dhe qytetarëve, është po aq naiv sa fëmijët që besojnë në Babadimër.
Sot botën e dominojnë djajtë nga prapaskena që e kontrollojnë qarkullimin e kapitalit monetar dhe financiar, shtypjen e monedhave të reja dhe mbarëvajtjen e bastoreve të ashtuquajtura Berza ku Onkel Sam nga Oklahoma mund të vë bast me depozitat e Ramiz Lladrovcit nga Drenica se a ka Rihanna puhalla nën bluzë apo cica.
Jetojmë në një botë ku depozitat e njerëzve nëpër Banka janë po aq të sigurta sa lëkura e anglezes leshkuqe nën diellin e Sahares në gusht.
Jetojmë në një botë ku iluzioni për drejtësi, barazi, dinjitet, paqe, mirëqenie dhe siguri është po aq real sa mundësia për të shpëtuar nga metastazat e kancerit të pankreasit.
Imagjinojeni vetëm dhjetë sekonda, se sa ka evoliuar imagjinata e njerëzve të mbrapshtë në këtë botë:
E di që nuk besoni ju që nuk shihni as 5 metra para hundës, sepse po të ishit më të kthjellët dhe vigjilent edhe bota do të ishte më e mirë, por pohoj me përgjegjësi të plotë njerëzore, morale, politike dhe juridike, se jetojmë në një botë ku madhësia e cicave të Rihanes mund t’a përcakton dhe vulos brenda disa sekondave tragjikisht fatin e disa mijëra familjeve anembanë globit, vetëm pse j’u mungojnë disa gram silikon për t’u barazuar me cicat e Llollo Ferrarit.
Dhe tash një i mençur turbo tallava mund të thotë, por gjithkush ka të drejtë t’i vë bast lekët e tij kudo, kurdo dhe në çkado.
Natyrisht se po, por sistemi i kalbur dhe mafioz financiar botëror ua mundëson kriminelëve më të mëdhenj të kësaj bote që t’a vënë bast komplet kapitalin e kursyer dhe depozituar të njerëzve që nuk i kanë parë kurrë me sy në jetë.
Dhe pikërisht Fondet Monetare Ndërkombëtare që në shikim të parë duken si ”Organizata Humanitare” janë në fakt ” Shoqata Zjarrfikëse” të zjarreve që i kanë ndezur vet anembanë globit me direktivat e djajve të prapaskenës.
Urime 1 Majin klasës punëtore, njerëzve të thjeshtë, barinjve, bujqve dhe fshatarëve të ndershëm që janë protagonistët kryesor të poemes së Naimit ” Bagëti e Bujqësi ”, poemë kjo e cila më pat shkaktuar telashe të mëdha në Shkollën Ushtarake në Beograd ku e kishim lektyrë, sepse më patën detyruar me përkthy fjalë për fjalë në temperaturën 33 grad në natyrë.
