RDuke kërkuar në fjalor, fjalën “patoz”, pasi këto ditë ishte kryefjalë e medias, gjejmë një shpjegim interesant, që çuditërisht shpegon më së miri dhe karakterin e subjektit referues.
Sipas fjalorit, kuptimi i fjalës “Patoz” është: “Ahur, katua (zakonisht për bagëtinë)”. (Fjalori i Shqipes së Sotme, Akademia e Shkencave e RPSSH, Instituti i Gjuhësisë dhe i Letërsisë, Tiranë 1984, f. 869). Në fjalor fjalën “astrit”, që sipas fjalorit do të thotë: “Gjarpër i madh me ngjyrë të verdhë e me pika që është shumë i shpejtë”. (Fjalori i Shqipes së Sotme, Akademia e Shkencave e RPSSH, Instituti i Gjuhësisë dhe i Letërsisë, Tiranë 1984, f. 39).
George Gordon Byron (Bajroni), tek “Don Zhuani” ka thënë se e vërteta është më e çuditshme se çdo trillim. Sipas fjalorit të gjuhës së sotme shqipe emri dhe mbiemri i Astrit Patozit do të thotë “Gjarpri i Ahurit”. Patozi ia doli me sukses që ta bëjë gazetën “RD” të palexueshme. Faji më i madh i Patozit ishte se nën drejtimin e tij gazeta “Rilindja Demokratike” nuk arriti as që të bëjë atë gjë minimale që bënte “Zëri i Popullit”, duke dalë me tituj bombastikë në faqe të parë, që ishin të kalkuluar për të qarkulluar si parulla që përhapen lehtë, duke qenë se gazetat lexohen në televizione çdo mëngjes.
Asnjë nga titujt e “RD” nuk e godiste lexuesin për ta bërë atë që ta qarkullonte titullin në biseda gjatë ditës. Nëse PS do ta kishte në dorë që të caktonte kryeredaktorin e gazetës të PD, në mënyrë që kjo gazetë të shkonte poshtë e më poshtë, me siguri që do të kishte zgjedhur një njeri si “Gjarpri i haurit”.
Ai e çoi RD-në në rënie të lirë, jo vetëm nga paaftësia, por edhe nga abuzimet. Ai gjatë gjithë kohës që PD ishte në opozitë ankohej se i mungonin lekët për të paguar bashkëpunëtorët, dhe për të afruar njerëz që të shkruanin, se nuk i jepnin reklama, por e vërteta është se RD-së nuk i ka munguar mbështetja financiare gjatë kohës që e drejtonte Patozi, pasi shumë biznesmenë i kanë ofruar para mjaftueshëm gazetës së PD-së gjatë kësaj kohe, por i kanë kërkuar që mos t’ u dalë emri atyre dhe firmës së tyre, që mos të persekutoheshin nga pushteti i majtë.
Duke përfituar nga kjo gjë Patozi afërmendsh kuptohet se ku i çonte paratë që jepeshin me dashamirësi, duke e degdisur organin propagandistik të PD-së në një dështim të paimagjinueshëm.
Këto ditë, “Gjarpri i ahurit” u shfaq i tillë, duke i shërbyer për interesa personale klanit qeverisës, ndaj të cilit mund të ketë detyrime të natyrave të ndryshme. Vesi prej bixhozliu, padyshim e ka ngërthyer në darën e kësaj intrige të flliqët, por diçka duhet të kuptojë Patozi dhe patozërakët e “Bindjes”, se ai me lojën e tanishme, duke u shfaqur si një kamardare politike për kryeministrin, është po kaq i pështirtë për qytetarët shqiptarë sa vetë Edi Rama.
