Sot më datë 25.01.2020 përmes aktit të themelimit të Lidhjes së Historianëve Shqiptarë nëpër Botë, me qendër në Zvicër, e cila pikë së pari, për mendimin tim, do funksionojë si një vatër e madhe bashkuese mes historianëve shqiptarë anë kënd botës, ku ata punojnë dhe jetojnë, të jetë aktive, përmes aktivitete gjithëpërfshirëse, porsa i takon fushës së themelimit të saj.
Duke besuar fort se kjo Lidhje e mërgatës së
historianëve nëpër botë, të jetë pjesë e rrjetit të mbarë mërgatës shqiptare,
përmes marrëveshjeve në funksion të shkëmbimit të përvojave, lidhur me
zhvillimin dhe hulumtimin e historisë së Shqipërisë, duke filluar nga Historia
e Nacionalizimit shqiptar, në periudhën moderne (shek. XIX-XX), duke u ndalur
në trajtesat e koncepteve të tilla historike, si: kombi, feja, gjuha dhe shtetit,
të trajtohet në mënyrë studimore, fenomeni i nacionalizimit shqiptar në
hapësirën ballkanike.
Në ecurinë e zhvillimi të aktiviteteve të Lidhjes
së Historianëve Shqiptarë nëpër Botë, mendoj që një tjetër aspekt historik i
studimit të saj, të jenë edhe marrëdhëniet ndërkombëtare të Shqipërisë, duke
filluar me periudhën e Bizantit, pushtimin osman, Rilindjen Kombëtare Shqiptare
apo edhe periudhën e shtetit të pavarur shqiptar.
Historia e religjioneve të jetë një tjetër aspekt
studimi, i Lidhjes së Historianëve Shqiptarë nëpër Botë, për të evidentuar në
mënyrë të drejtpërdrejtë historinë e religjioneve në trojet shqiptare, por
krahas kësaj qasje studimore, duhet parë dhe ato të dhëna kryesore, që
ekzistojnë në lidhje me doktrinat e besimit.
Më lejoni të nderuar kolegë të ndalem në një draft-projekt të punës sime, e cila mendoj të jetë pjesë e këtij bashkëpunimi: “Promovimi i personalitetit, imazhit dhe veprës së Homerit Shqiptar, të Vetëdijes Kombëtare, AT GJERGJ FISHTËS”.
Theksoj se është detyra akademike e çdo studiuesi, jo vetëm për ta studiuar
Fishtën ashtu siç duhet, por për të ia lënë të dëshmuar dhe pasqyruar brezave
të ardhshëm, ashtu siç At Gjergj Fishta e meriton.
Ka ardhur koha që personaliteti i At Gjergj Fishtës, të analizohet dhe të studiohet në dy këndvështrime: sipas kujtesës etnografike dhe mbi të gjitha figura fishtjane, duhet trajtuar dhe studiuar sipas kujtesës historike. Kujtesa historike e cila ka si bazë të saj dëshminë e gjallë, e kjo dëshmi e gjallë na çon në zbardhjen e shumë të vërtetave të mohuara, për figurën emblematike të kombit shqiptar, At Gjergj Fishtën, pasi në fund të fundit çdo personalitet, vend apo komb identifikohet nga identiteti historik i rrënjës së origjinës së tij.
