Pandemia COVID-19 e vështirësoi jetën për prindërit por akoma më shumë për fëmijët.
Kthimi në shkollë ështjë hap i rëndësishëm, shpresuar e i shumëmirëpritur, por ju dhe fëmijët tuaj me shumë mundësi keni shumë pyetje.
Ministria jonë e arsimit, punonjësit e saj janë ende me pushime, e nuk kanë qetësuar apo shqetësuar prinderit e femijet në lidhje me vitin e ardhshëm shkollor.
Unë si mjek i bazës po përpiqem të shtroj disa pyetje përgjigje se çfarë të prisni dhe si mund të mbështetni ju fëmijën tuaj .
Kur, si dhe a do të rihapen shkollat?
Këtë verë më shumë se 70 vende në botë kanë njoftuar për rihapjen e shkollave dhe qindra miliona nxënës e studentë presin të kthehen nëpër vatrat e dijes.
Ne po presim vendimin e qeverisë shqiptare.
Duke pasur parasysh vështirësinë e situatës dhe ndryshimeve në të gjithë globin, shumë shtete në botë janë në faza të ndryshme në lidhje me mënyrën se si dhe kur ata planifikojnë të rihapin shkollat.
Këto vendime zakonisht merren nga qeveritë në diskutim me autoritetet lokale. Ata do të duhet të marrin në konsideratë shëndetin publik, përfitimet dhe rreziqet për arsimin dhe faktorët e tjerë.
Komiteti i Eksperteve që menaxhon epideminë e COVID-19 në Shqipëri, do të duhej që të bashkëvepronte fort me ministrinë e arsimit si dhe pushtetin lokal !
A janë të motivuar, a janë të prirur, a kanë aftësitë të marrin veprime të mençura ?
Interesi më i mirë i çdo fëmije duhet të jetë në qendër të organeve të pushtetit qendror e lokal, duke përdorur provat më të mira në dispozicion, por saktësisht se si do të duket kjo do të ndryshojë nga shkolla në shkollë.
-A është e sigurtë nga infeksioni i COVID-19 që fëmija im të kthehet në shkollë?
Shkollat duhet të rihapen vetëm kur janë të sigurta për nxënësit e studentët. Mund të ndodhë që shkollat mund të rihapen për një periudhë kohe dhe më pas mund të merret një vendim për t’i mbyllur ato përsëri përkohësisht, në varësi të qytetit, fshatit , situatës epidemiologjike përreth.
Për shkak të situatës në zhvillim, drejtoritë arsimore, pushteti local, por edhe ai qendror do të duhet të jenë fleksibël dhe të gatshëm për t’u përshtatur për të garantuar sigurinë e shëndetit të çdo fëmije.
Kujtojmë që ministria e arsimit i hoqi licensën shkollës private “Udha e Shkonjave”, vetëm sepse drejtuesit e saj morën vendimin për të mbyllur shkollën si masë mbrojtje koronavirusit, për të shpëtuar femijet.
Për drejtuesit e ministrisë së arsimit është e rëndësishme që ata të fillojnë planifikimin e detajuar tani, në gusht, le të sakrifikojnë pak nga pushimet, për të ndihmuar që nxënësit, studentët, mësuesit dhe stafi tjetër të jenë të sigurt kur kthehen nëpër shkolla si dhe komunitetet të jenë të sigurt për dërgimin e fëmijëve të tyre përsëri në shkollë.
Çfarë masash paraprake duhet të ndërmarrin autoritetet për të parandaluar përhapjen e virusit COVID-19?
Rihapjet e shkollës duhet të jenë në përputhje me situatën e përgjithshme shëndetësore të COVID-19 të secilën njësi të pushtetit lokal për të mbrojtur nxënësit, studentët, stafin, mësuesit dhe familjet e tyre.
Disa nga masat praktike që shkollat mund të ndërmarrin përfshijnë:
• Ambjente të sigurta, higjenizuara e dezinfektuara.
• Ushqimi të sigurtë, që mund të merret nga shtepia.
• Kalimi i klasave në hapësira më të mëdha të përkohshme ose jashtë
• Mbajtja e mësimit me turne n, për të zvogëluar numrin e nxënësve.
• Uji , sapuni, si dhe objektet e higjienës duhet të jenë një pjesë thelbësore e shkollave që rihapen . Administratorët duhet të shikojnë mundësi për të përmirësuar masat e higjienës, duke përfshirë larjen e duarve, paraljmërimet me shkrim për problemet e frymëmarrjes (d.m.th. kollitjen dhe teshtitjen në bërryl), masat distancuese fizike, procedurat e pastrimit të objekteve dhe praktikat e sigurta të marrjes së ushqimit.
• Mësuesit gjithashtu duhet të aftësohen për të kontrolluar distancën fizike dhe praktikat e higjenës shkollore.
Është detyrë e ministrisë së arsimit në bashkëpunim me atë të shëndetësisë që të punojnë fort këto ditë të nxehta gushti që shtatori të sjellë siguri për t’i kthyer fëmijët tanë nëpër shkolla.
