Luçiano Boçi
A e keni dëgjuar Besën në video-selfiet e saj, ku me patetizëm hipokrit lavdëronte e lavdëron mësuesit për punën e palodhur online?!!!Dhe vërtet, pavarësisht efikasitetit mjeran, për shkak të papërgjeshmërisë dhe paaftësisë së Ministrisë, mësuesit në pjesën dërmuese e kanë bërë punën e tyre me përkushtim.
Por shpërblimi për gjithë këtë lodhje dhe stres, ka munguar të vijë.Rama dhe Besa i kanë penalizuar një pjesë të mësuesve që paguhen me orë, me shkurtime pagash, duke i hequr orët alternative nga ngarkesa e tyre.Disa të tjerëve i ka hequr pagesën e largësisë.
Madje për prillin, nën zë kanë parapërgatitur situatën me megafonët e tyre, sipas së cilës mësuesit do të marrin vetëm 70% të pagës!!!Qëllimi është linçimi, urtësimi e në fund mos pagimi.Këto “t’lajnë e t’lyjnë”, thotë populli e në fund të japin brrylin.
Troç është: këto të mashtrojnë hapur.Besa me Ramën s’kanë as turp që cënojnë pagën dhe aq sa është e pamjaftueshme e mësuesit dhe as stepje që ky përçmim do të hedhë në erë dhe atë pak dije që mësuesit mes shumë sakrificash, e përcjellin tek nxënësit.
Po mësuesit vetë?!Kur do ta dëgjojë njëherë shoqëria zërin e tyre, për qindra padrejtësi që kanë provuar në këto shtatë vite nga kjo keqqeverisje?!A nuk mjafton për Besën e Ramën, por dhe për mësuesit vetë, vetëm ky fakt që vjen nga Kosova.Ndryshe nga Shqipëria e Ramës, në Kosovë mësuesit do të marrin 300€ më shumë për punën online.
Zgjohuni mësuesë!!!!
