Betimi i pedagogut
Në gjendje të lirë dhe me vullnetin tim të plotë deklaroj se:
Do e kryej detyrën e pedagogut në përputhje me ligjet dhe rregullat e vendit
Sjellja, morali dhe etika ime do të jenë një model i mirë për studentët
Me profilin tim, do implementoj tek ata, korrektësinë, punën e ndershme
dhe interesin për kërkimin shkencor në fushën e kompetencës që unë operoj
Do ju vë në dispozicion gjithçka shkencore që unë di dhe do të gjej për t´rejat e fushës së studimit
Lirinë akademike, lirinë time, liritë dhe të drejtat e studentit do t’i respektoj
dhe do të punoj për orientimin e tyre drejt standarteve dhe vlerave perëndimore
Në profilin, sjelljen dhe publikimet e mia përfshirë dhe ato personale nuk do të shfaq angazhime as përkrahje të natyrës politike dhe fetare
Do të jem sensibël dhe bashkëpunues me organizatat dhe institucionet që veprojnë në shkallë vendi lidhur me zgjidhjet dhe vizionin për fushën e studimit që mbuloj
Do të bëj publike në strukturat e universitetit çështjet që unë i mendoj ndryshe
dhe gjithçka tjetër që dëmton thelbin e institucionit, qëllimin, punën dhe imazhin e tij
Do të demonstroj një sjellje të denjë, ndaj institucionit, strukturave dhe kolegëve
Për çfarë thashë më sipër, e garantoj me nderin tim, konseguencën dhe përgjegjësitë e mia.
__________________
© Autor, Skender Doçi
Tiranë, më 10 Prill 2015
