Nga Agron PREBIBAJ
Shqipëria në gjysëm shekulli nën regjimin diktatorial komunist përsekutoi familjet e mëdha shqiptare, ato fisnike dhe eliten e kombit të cilët ishin kundërshtarët e vendosur të regjimit. Të gjithë burrat e fortë e kolloz u pushkatuan, u burgosën e internuan e nisur kjo fillimisht me klerin katolik shqiptar si kundërshtari më i fortë për regjimin komunist, pasoja që e vuajtën më shumë se një e treta e kombit.
Ky kalvar i vuajtjeve pjellë e regjimit komunist do të gëlltiste mendimtarët, intelektualët dhe familjet fisnike tradicionale shqiptare, e tillë ishte edhe familja Shoti pinjoll i së cilës është 46 vjeçari Shkelzen Shoti. Fisi Shoti ishte ndër breza familje nacionaliste e shëndoshë, gjithnjë e vendosur në krah të së drejtës e lirisë së njeriut, një familje me gjenezë anti komuniste. Sigurisht se familjarët dhe kushërijtë e zotit Shkelzen Shoti do të shikoheshin si armiq nga regjimi komunist ndaj dhe ndaj tyre filloi kalvari i përsekutimit politik, me plot vuajtje, burgime, internime etj.
Si i tillë Shkelzen Shoti me familjen e tij që në dhjetorin e vitit 90-të u rreshtua në krahun e qytetarisë për rrëzimin e sistemit komunist. Gjithnjë, pas 90-ës ai ka marrë pjesë në protesta ndaj keqqeverisjes, madje dhe është keq trajtuar nga policia e shtetit, kryesisht kur pushtetin e kanë patur socialistët. Përveç keq trajtimit që policia e shtetit i ka bërë disa herë për vetëm se ai proteston, tani i shtohet edhe mos siguria tjetër, mos siguria për pronën dhe për jetën. Qytetari Shkelzen Shoti pak kohë më parë shkoi në azil një vit në Gjermani, dhe pasi kthehet e gjen gjysmën e pronës të marrë nga komshiu A. N i cili e detyron të shkojë në konflikt fizik.
Ndërkohë që qytetari Shoti ka kërkuar ndihmë nga policia dhe ajo nuk e ka ndihmuar. Për pasojë komshiu përveçse i ka marrë gjysmën e pronës e ka goditur edhe me thikë po ashtu edhe djali i komshiut ka goditur po me thikë djalin e Shkelzenit 14 vjeçar. Ky pra është realiteti shqiptar edhe sot pas 30 viteve në demokraci, përsekucion, e mos siguri për jetën duke bërë një Shqipëri të pabanueshme, prandaj dhe e detyron largimin e dëshpëruar nga Shqipëria.
