Agron PREBIBAJ
Protesta e banorëve të Unazës së Re tashmë ka hyrë në vitin e dytë dhe mund të themi se është protesta më e gjatë në Shqipëri.
Kjo protestë me mirë organizimin e saj arrin të bëjë ballë aferës korruptive me tenderin më korruptiv deri më sot.
Që nga fillimi i protestës janë arrestuar dhjetra protestues, organizatorët e shumë të tjerë në kërkim nga policia e shtetit kriminal.
Qëllimi i kësaj proteste ishte mbrojtja e shtëpive pasi ndërtimi i tyre është mundi dhe djersa e secilës familje në vite e kryesisht të ardhurat nga emigrantët.
Ndër të arrestuarit e parë është Dorian Protoduari sëbashku me një grup protestuesish, por shteti policesk arrin kulmin kur arreston edhe ish deputetin demokrat Z.Klevis Balliu i cili është gjëndur gjithnjë në mbrojtje të shtëpive të Unazës së Re.
Gjatë muajit të kaluar shteti arrestoi një grup tjetër organizator të këtyre protestave me në krye Skender Doda, të cilët po luftojnë në mbrojtje të shtëpive të tyre.
Një organizator kryesor i protestës në lagjen e Unazës së Re qytetari Xhemal Hyka me një grup të rinjësh është ndjekur nga policia dhe është person në kërkim.
Situata e protestave në Unazën e Re është përkeqësuar pasi organizatorët e zjarrtë janë në ndjekje nga policia dhe si e tillë me organizimin po merren gra, studenta, pleq dhe fëmijë.
Banorët e Unazës së Re tashmë të terrorizuar dhe të nëpërkëmbur, të pambrojtur nga shteti, përkundrazi në shënjestër për tu arrestuar organizatorët vital e energjik, kjo është Shqipëria e krimit e drogës e korrupsionit, një goditje kjo që mori me 18 tetor nga vendet e BE-së në mos çeljen e nogociatave të Shqipërisë me BE-në.
Organizatorët e protestave Dorian Protoduari, Skender Doda, Besnik Doçi, Xhemal Hyka, Jahir Muja të cilët i dhanë jetë kësaj proteste jetëgjatë, një pjesë e tyre u arrestuan dhe të tjerë nuk dihet ku ndodhen pasi janë në kërkim nga policia.
Organizatori i të ri njëve Xhemal Hyka është në kërkim për tu arrestuar nga regjimi politik në Shqipëri, por mesa duket është larguar nga Shqipëria ose më saktë nuk dihet vendndodhja e tij.
Kjo pra është Shqipëria e korrupsionit, e mafies e krimit të organizuar e drogës shqiptare e cila pushtoi Europën, kjo është Shqipëria e mbi 400 mijë azilantëve shqiptar në vëndet e BE-së.
