Z. Kryebashkiak!
E vlerësoj prirjen tuaj për ta përdorur një fjalë jo në kuptimin e vet të drejtpërdrejtë, por në kuptimin e figurshëm të saj. Në një postim ju keni pohuar mbjelljen e 29 pemëve të reja në Parkun e Liqenit Artificial. Ajo që tërhoqi vëmendjen time ishte – Fondacioni që mbjell djem e vajza në Ministri, Bashki apo çdo Institucion’.
Po e risjell fjalinë tuaj: – Besoj se fidanishtja e vërtetë nuk janë pemët tona për statistikën e vitit, por janë djemtë dhe vajzat që janë mbjellë nga fondacioni në secilën ministri, bashki apo institucion.
-Mbjell djem e vajza.- Në përputhje të plotë me urtinë e Akademisë së Shkencave, po ju paraqes kuptimet e foljes “mbjell” sipas Fjalorit Shqip-Shqip:
1-Hedh farën a të një bime në tokë të punuar me qëllim që të mbijë e të jape prodhim. Mbjell grurë (misër, fasule)- Mbjell token (arën) me pambuk, (patate).
2-Ngul në dhe fidanë barishtesh, pemësh a drurësh, duke u bërë shërbimet e duhura, me qëllim që të zënë e të zhvillohen. Mbollën kumbulla ( qershi, mollë, pemë); mbollën fidanë.
3-Fig.kryes.shak- Lëshoj një nga një, shpërndaj, përhap, humb. ( Zakonisht kur diçka na bie përtokë pa e kuptuar) I mbolli plaçkat rrugës.
4..Fig.- Përhap, shtrij, fut; shkaktoj. Ai mbolli mosbesim ( përçarje, grindje, frikë, pakënaqësi, dyshim).
5.*- Kush mbjell erën do të korrë furtunën- Kush bën një të keqe do ta pësojë nga një e keqe më e madhe.
Post Scriptum:- Z. Kryebashkiak nuk mbillen njerëzit. Ju duhet ta dini mire se fillimisht mbillen fidanët, pastaj mbillet mosbesimi e së fundmi mbillet era që të korret furtuna.
