Bashkatedhetarët shqiptarë në Australi, të kërcënuar dhe të rrezikuar nga kriminelët shqiptarë, shqipfolës, që në një apo në mënyrë tjetër tanimë kanë vënë rrënjë të këqija në mes të australisë së largët, me veprimet e tyre po shkatërrojnë për çdo ditë e më shumë libin shqiptar në Australi ,kur kihet para sysh që lobi shqiptar atje, vite me radhë ka qenë faktor, jo vetëm si mbështetje ekonomike e vendit tonë dhe e trojeve të popullit shqiptar në përgjithësi, por ishte edhe faktor shumë i rëndësishëm për krijimin e mekanizmave për liri dhe për çlirim të atdheut.
Por, që na paslufta dhe çlirimi i Kosovës, ata që nuk kontribuuan me asgjë për lirinë e Kosovës dhe për shqiptarët përgjithësisht, por shkuan atje si refugjatë të luftës dhe u vendosën sidomos në dy qytetet kryesore australiane: në Kambera dhe Sidnej, e sot në një mënyrë po kriminalizojnë bashkatdhetarët shumëvjeçarë që jetojnë dhe punojnë atje, të cilët nuk kursyen asgjë për të mirën e atdheut.
Të gjitha informatat që vijnë prej andej flasin për një kriminalizim të shoqërisë shqiptare në atë pjesë të globit. E tërë kjo po ndodh përmes disa shoqatave e shoqërive kulturoro-artistike shqiptare dhe përmes individëve të caktuar, të cilët me kërcënime dhe shantazhe nga më të ndryshmet, por edhe në mënyra të tjera kriminale po i shkatërrojnë ekonomitë familjare të atyre shqiptarëve mërgimtarë dhe ekonominë e lobit shqiptar përgjithësisht, që jeton në australinë e largët.
Këto grupacione dhe individë të caktuar sillen atje me shqiptarët si në kohën e Përewndimit të Egër, ku të kërcënuarit kanë frikë t’i njoftojnë edhe autoritetet e pushtetit vendës për këto dukuri me ngjyrim kriminal, sepse kërcënimet ndaj tyre dhe ndaj familjeve po ashtu, janë të përditshme dhe paraqesin rrezik të madh.Pra, në vendin, ku dikur shqiptarët hallexhinj ishin shembull i mirë dhe shëmbëlltyrë shqiptare për të gjithë të huajtë, tani po e tregojnë anën tjetër të medaljes, që është ana më e errët e tyre e mbështjellë me johumanitet dhe krim të çfarëdollojshëm.
Sipas të gjitha gjasave, për një dukuri të tillë tejet të shëmtuar janë të njoftuara edhe organet shtetërore të Kosovës dhe të Shqipërisë, në vendin ku dikur shqiptarët hallexhinj ishin shembull i mirë dhe shëmbëlltyrë shqiptare për të gjithë të huajtë, tani po e tregojnë anën tjetër të medaljes plot errësirë dhe kriminalitet që nuk na bën nder si komb, pasi që këta faqezinj janë shqiptarë, por të pandërgjegjshëm. Sipas të gjitha gjasave disa nga kriminelët na qenkan këngëtarë të estradës në ekzil dhe të përkëdhelur nga dy mabasadat tona( Shqipëri, Kosovë).
Por, duhet që sa më parë t’i themi STOP kësaj dukurie tejet të shëmtuar dhe antihumane e antikombëtare, ngase secili prej nesh mund ta ketë ndonjë familjar, të afërm apo akraba atje. Tek e fundit edhe këta janë shqiptarë të kësaj toke dhe të këtij kombi. Ditëve në vijim, ne do t’i publikojmë të gjithë emrat e personave të përfshuirë në këto marifetllëqe, ngase ne i posedojmë këta emra, por për hirë të reputacionit të disa prej tyre, po i kursejmë kësaj radhe gjer në shrimin tonë të radhës .
HAMDI NDRECAJ -PANTERI
FERIZAJ 2019.
