Nga, Hamdi Ndrecaj-PANTERI
Apo rrezikohet ndarja e Kosovës dhe krijimi i Jorusalemit euro-ballkanik pikërisht në Kosovë. Sipas të gjitha gjasave, iluzioni i politikës së Kosovës se Republika e Kosovës e ka shtrirë sovranitetin në tërë territorin mbetet vetëm një përrallë shumë qesharake, që mbetet të shihet gjatë finalizimit të bisedimeve Kosovë-Serbi, që po mbahen në Bruksel, por sipas të gjitha gjasave, Serbia dhe ndikimi rus duke i dhënë mbështetje dhe duke e inkurajuar Beogradin për ndarjen e Kosovës, apo veriun e Kosoves, sipas modelit të Serbska Republika në Bosnje dhe invazionin ushtarak rus në Krime të Ukrainës, po përpiqen që si plan A në bisedime ta kërkojnë një gjë të tillë, pa përjashtuar edhe ndërhyrjen ushtarake serbe në very, gjë që defakto forcat serbe tanimë të pauniformuara, por një pjesë e tye që tani është aktive në Policinë e Kosovës, sepse çetnikët e Gardës së Car Lazarit dhe ata të Mbrojtjes Civile Serbe u amnistuan dhe u uniformuan me uniforma të Policisë së Kosovës, gjersa pjesa tjetër pret finalizimin e bisedimeve, që nëse do të shkojë në disfavor të tyre, atëherë Krijimi i një Jerusalemi ballkanik do të ndodhë edhe me ndërhyrje ushtarake dhe bashkësia ndërkombëtare do të na detyrojë përsëri të futemi në bisedime, që nuk do të kenë kurrë një përfundim.
Dislokimi i forcave të NATO-s do të jetë si gjer më tani, në Urën e Ibrit dhe përreth lumit Ibër, taman sikur forcat e UN në Rripin e Gazës, duke qëndruar vetëm si spektatorë, apo ndoshta edhe projektet e ndërkombëtarëve janë asofare sipas modelit rus dhe turk për ta qetësuar Gadishullin, duke copëtuar Tokat Shqiptare, kësaj radhe heqjen edhe të një cope të Dardanisë antike, gjë që nuk përkon asgjë me pakon e Ahtisarit Politikëbërësit e Kosovës, derisa paten hapur pakon e Atisarit, pako kjo e shumëpritur, që e dergoi Kosovën drejt shpalljes së pavarësisë, po na thonë se pakoja e ardhshme e Brukselit do të jetë shumë e dhimbshme, sepse do të ketë shumë kompromise për shkak të eksterritorialitetit të kishave serbe dhe të një lloji të autonomisë për serbët brenda Kosovës, që kontrollohet direkt nga Beogradi.
A thua, çfarë duhet të japim, që finalizimi i bisedimeve të jetë edhe më i dhembshëm për shqiptarët e Republikës së Kosovës? Apo ndoshta ndryshimi i kufijve në Gadishull do të fillojë dhe ka filluar me Kosovën, kësaj radhe, jo duke hapur pakon e Ahtisarit, por Kutinë e Pandorës…
