Nga Florenca Meço
Kur dikush shkruan për politikën, qoftë edhe disa rreshta në fb, janë të paktë ata që e mbështesin aktivisht. Kur shkruan për diçka tjetër, sidomos tema me karakter social ku jepen modele pozitive, mbështetja rritet dhe bëhet mjaft e dukshme. Në plan të parë abstenimi të krijon përshtypjen e indiferencës. Jo nuk është kështu.
Nëse i referohesh shembullit të mësipërm lidhur me natyrën e shkrimeve qoftë edhe në fb, abstenimi ndaj mendimeve politike apo dhe ndaj politikës në përgjithësi nuk është indiferencë, por një qëndrim për “ të sjellë në vete” aktorët e saj.
Abstenimi nuk do të thotë për asnjë çast se njerëzve nuk u pëlqen politika. Nëpërmjet tij ata tregojnë se ka ardhur koha për të përmbysur një gjendje të caktuar dhe politika të vij në nivel të tillë sa që aktet e saj të gjykohen me “ po” ose me “jo”.
Nëse votimi “ po “ ose “jo” gjykon mbi modelet e paraqitura, abstenimi i gjykon për keq të dy. Është e njëjta gjë sikur të asistosh në një shfaqje artistike ku publiku as duatroket e as fërshëllen, por qëndron i ngrirë.
