Nga, Prof.Gjok VUKSANI
Pse pikërisht Lezha “pikë grumbullimi” i refugjatëve të botës?
Kush e njeh sadopak zonën e Lezhës e di se është zona më e rëndësishme nga pikëpamja e pozicionit gjeografik për veriun e Shqipërisë, aty ku kryqëzohet rruga e kombit, rruga për Shkodër dhe Malin e Zi, madje edhe rruga për Dibër.
Ky vend i bekuar nga zoti ka nje vijë bregdetare të papërsëritshme nga “Rana e Hedhun” (mrekulli natyrore) plazhi i Shëngjinit, Vainit, Tales, Patokut dhe Gotullës.
Në këto plazhe pushojnë me mijëra shqiptarë nga Shqipëria, nga Kosova dhe trojet e tjera shqiptare.
Nga pikëpamja ekologjike është një nga sistemet më interesante të Shqipërisë duke filluar nga Lumi Drin që kalon përmes qytetit të Lezhës, malet dhe kodrinat që zbresin deri të deti, si dhe lumin Mat që ndan Lezhën me Kurbinin.
Lezha ka edhe dy fushat më pjellore të veriut “Bregun e Matës” dhe “Zadrimën “që kultivojnë dhe prodhojnë prodhime bujqësore nga më të larmishmet, nga agrumet dhe ulliri, deri tek perimet dhe kivi.
Pasi thuhen të gjitha këto një mendje racionale pyet pse pikërisht ky vend i begatë është përzgjedhur nga Kryeministri si “pikë grumbullimi e refugjatëve të botës së tretë”.
Fakti që Lezhjanët janë njerëz të kulturuar, të paqtë dhe jetojnë në harmoni me njëri-tjetrin nuk përbën argument për t’ju sjellë një të keqe të madhe që do të ndryshojë në menyrë përfundimtare cilësinë e jetesës së tyre.
Fakti se kjo zonë priti me dashamirësi “Afganët“e larguar nga lufta nuk është prapë një argument shtesë që gjithashtu atyre t’ju vëndoset një barrë tjetër në shpinë, pa i pyetur fare.
Fakti që Lezha ka patur një kamp internimi në “Torovica” gjatë regjimit komunist nuk është domethënës që ai të rikthehet.
Në kohën kur pritej nga qeveria që të zgjerohej rruga që të çon në Shëngjin apo Gjadër në menyrë që turistët nga gjithë Europa të shijonin mrekullitë e natyrës lezhjane.
Në kohën kur pritej me padurim rruga që do të lidhte Shëngjinin me Velipojën dhe tuneli lidhës Balldre-Shëngjin, qeveria sjell refugjatë me shumicë.
Ne, nuk kemi asgjë kundër refugjatëve që për arsye të kushteve të vështira ekonomike apo politike tentojnë të shkojnë në Itali apo Gjermani, por shqiptaret nuk kanë asnjë arsye që të bëhen “vegël” në duart e të tjerëve për të cënuar lirinë dhe të drejtat e tyre dhe për të prishur përfundimisht jetesën e lezhjanëve që jetojnë në harmoni me njëri-tjetrin në tokën e tyre.
Një mëndje racionale nuk arrin te kuptojë që një zonë me potenciale të jashtëzakonzhme në zhvillimin e turizmit dhe bujqësisë të shndërrohët në “Kamp përqëndrimi “për njerëzit e dëshpëruar të botës, që për hirë të vërtetës vëndi ynë nuk ka qënë destinacioni i tyre.
Prandaj unë ju bëj thirrje patriotëve të mi të reagojnë, mos të heshtin sepse kjo që po ndodh sot do të jete jo vetëm tek ata, por për fëmijët dhe nipërit e tyre.
Edhe pushteti lokal duhet të jetë në krah të zgjedhësve të tyre e jo të qeverisë, sepse vitet kalojnë shpejt dhe nuk do mbahet mend kush ka shtruar rrugën e Tales por kush lejoj që në Lezhë rë ngrihet “pika e grumbullimit të refugjatave të gjithë botes”.
E në të gjthë këtë situatë, natyrshëm në mëndje më vijnë fjalet:
‘Mos i fal o zot, sepse ata e dinë çfarë bëjnë”!
