Të dashur, energjikë, të guximshëm dhe empatikë të lindur! Janë këto disa prej karakteristikave që i bëjnë të lindurit në tetor të dallohen nga të tjerët. E duke qenë se kemi hyrë zyrtarisht në muajin e tyre, Living ju zbulon në rreshtat e mëposhtëm pikat më të forta të të lindurve në muajin e parë që lajmëron vjeshtën.
1.Janë shumë të vëmendshëm dhe intuitivë: Të lindurit në muajin tetor janë shumë të vëmendshëm. Praktikisht është e pamundur t’u shpëtojë ndonjë gjë, aq sa nuk është aspak habi nëse ata mbajnë mend data të caktuara në histori apo të dinë përmendësh batutat e filmave. Janë shumë intuitivë dhe nuk mund t’i gënjeni lehtësisht, kështu që matuni dy herë para se ta bëni këtë gjë.
2.Janë zemërgjerë dhe dashamirës: Të lindurit në këtë muaj janë të bekuar me shumë cilësi të mira, si bujaria dhe altruizmi. Ky tipar karakteristik i ka diferencuar gjithmonë nga të tjerët, e njëkohësisht i ka ndihmuar përsa i përket socializimit. Dhe kur flasim për raporte shoqërore, të lindurit në tetor dinë t’i japin kohën, vëmendjen dhe rëndësine e duhur çdokujt, duke ruajtur në mënyrë të përsosr balancat në jetë.
3.E duan natyrën: Është provuar shkencërisht se të lindurit në muajin tetor jetojnë më gjatë dhe kanë një jetë të shëndetshme e të lumtur. Ata besojnë se natyra ka vlera terapeutike, të cilat mund t’ia shtojnë jetëgjatësinë njeriut. Zakonisht janë optimistë dhe e shohin jetën gjithë ngjyra. Nuk e humbasin shpresën dhe kanë aftësinë të të ngrenë moralisht.
4.I përshtaten çdo lloj situate: Kudo që të jenë, në luginë apo në shkretëtirë, në male apo fusha, në të ftohtë apo në të nxehtë, njerëzit e lindur në tetor mund t’i përshtaten çdo terreni dhe situate. Jepuni këtyre njerëzve disa mjete bazike dhe ata do të mbijetojnë. Aftësia për të përshtatur në pothuajse çdo situatë është një nga tiparet më të forta të tyre.
5.Janë shumë pasionantë: Në përgjithësi, të lindurit tetorit janë njerëz shumë të gëzuar dhe gjithmonë entuziastë për jetën, aq sa ky entuziazëm mund të përfshijë edhe njerëzit që kanë rreth vetes. Ata nuk e humbasin asnjëherë energjinë, edhe në situata të vështira të jetës. Bëjnë gjithçka për të marrë atë që duan dhe nuk i zë gjumi derisa ta arrijnë. Megjithatë, janë me fat që të gjithë i duan ashtu siç janë.
MOS HARRONI: Njerëzit e lindur në tetor krijojnë balancë dhe stabilitet në çdo gjë që bëjnë. Kanë gjithashtu një jetë sociale aktive dhe i duan miqtë deri në vdekje. Janë sharmantë dhe fjalëpakë. Edhe pse ju pëlqen të keni njerëz përreth, janë gjithashtu edhe shumë të pavarur
