Nga Gjelosh PROGNI
Prej 29 Shtatorit 2018 e vijim kujtohet nga populli e pushteti vendor i Tropojes si ditë e shënuar historike për gjithë Malësinë e Gjakovës, në nderim të viktimave te diktaturës vrastare komuniste.
29 Shtatori i 1946 është dita kur dora gjakatare në kuvend e prezencë të dy mijë burrave te Nikaj – Merturit vrau dy burra të pafajshëm FETË SADIKU E UKË ÇUNI edhe nënshtroj një trevë të tërë për faktin e vetëm se ishin antikomunist, trima e besnik të idealeve, traditave dhe zakoneve të shqiptarit.
Kjo hakëmarrje e bandës komuniste e instaluar tashmë në vend, vinte si rezultat i vdekjes së komandantes së brigadës partizane Xhemile Shehu, motra e diktatorit Mehmet Shehu, gjatë eksperditës ushtarake të partizanëve të Nentorit 1944 për pushtimin dhe nënshtrimin e zonës ku, asnjë sundimtar nuk i arriti qëllimet e dëshirat për robërimin e këtij komuniteti brez pas brezi.
Rezistenca e trimave të Nikaj – Merturit kundër nënshtimit përballë farës së keqe të komunizmit mbetet në memorien historike si një ndër betejat më të përgjakshme dhe të pamposhtur në Shqipëri kundër diktaturës gjakatare.
Mirënjohje me përultësi dhe përjetësi për viktimat e komunizmit nga Qafa e Agrit deri në Qafën e Morinës të Malësisë së Gjakovës dhe gjithë Shqipërisë!
