GJERMANI– Gjermania zgjodhi sot kreun e ri të shtetit, Presidentin aktual, Frank-Walter Steinmeier, i cili mori një mandate të dytë në të njëjtin post. Me 1045 vota Frank-Walter Steinmeier që u propozua nga partitë qeveritare SPD, të Gjelbrit dhe FDP, si dhe opozita CDU/CSU mori për herë të dytë detyrën më të lartë shtetërore, por që e mban që nga viti 2017.
Steinmeieri e pranoi zgjedhjen dhe falenderoi. Ai tha se do të jetë President mbipartiak, por jo neutral, kur është fjala për demokracinë. Steinmeieri tha se mund të diskutohet shumë për shkaqet e ftohjes midis Rusisë dhe Perëndimit duke shtuar se asnjë vend i botës nuk ka të drejtë të shkatërrojë të drejtën e një vendi për të jetuar në paqe.
Por kush është presidenti i Gjermanisë?
Steinmeier është djali i një marangozi dhe një punonjëseje fabrike nga qyteti i vogël Detmold në Gjermaninë perëndimore. Ai ka mbaruar shkollën e mesme, ka studiuar për drejtësi dhe më pas është doktoruar. Në 1975, Steinmeier iu bashkua SPD-së. Në universitet, ai u njoh me gruan e tij, Elke Büdenbender, gjithashtu jurist me të cilën ka edhe një vajzë. Kur SPD fitoi pushtetin në 1998 me Schröder në krye, Steinmeier u zhvendos në qendër të pushtetit në Berlin, fillimisht si sekretar i shtetit dhe më vonë si kreu i kancelarisë. Ai mori për herë të parë ministrinë e jashtme në koalicionin e parë të madh nën kancelaren Merkel në 2005.
Frank-Ëalter Steinmeier përjetoi kulmin e karrierës së tij politike në fillim të vitit 2017. Në shkurt, ai u zgjodh në detyrën e presidentit për herë të parë pas një raundi votimi. Pas zgjedhje ai paracaktoi pikat e tij kryesore të fokusit në detyrë: të parandalonte Gjermaninë të harronte historinë e saj dhe të luftonte populizmin modern të krahut të djathtë. Testi i tij i parë në postin e ri erdhi disa muaj më vonë ku kKristian Demokratët e qendrës së djathtë të Angela Merkelit dolën fitues nga zgjedhjet e përgjithshme në vjeshtën e vitit 2017. Ata kërkuan të krijonin një koalicion me Demokratët e Lirë neoliberalë (FDP) dhe ambientalistët të Gjelbrit, por udhëheqësit e partisë nuk ishin në gjendje të arrinin një marrëveshje. Steinmeier i bëri thirrje partisë së tij që të konsideronte bashkimin me konservatorët për të formuar një qeveri funksionale dhe rezultoi i suksesshëm.
Ai e fitoi simpatinë e publikut gjerman në vitin 2010, kur i dhuroi një veshkë gruas së tij duke i shpëtuar jetën. Në zgjedhjet federale të vitit 2009, ai konkurroi përballë Angela Merkelit si kandidate për kancelar, por dështoi.
