Nga Agron PREBIBAJ
Prof.Kole Susaj: Artisti Leke Pecnikaj, i përzgjedhuri i merituar në Ansamblin e shtetit.
Këngëtari e muzikanti Leke Pecnikaj talenti i aposinuar e nisi ëndrrën e tij që në moshë të vogël, që në fillore 9 apo 10 vjeçar filloi të këndojë e të aktivizohet me grupet e shkollës për të mos u ndarë më asnjeherë.
Megjithse djaloshi Pecnikaj në nisje ishte engjull e i pa mëkatuar, por gjatë rrugës në ngjitjen e shkallëve të pasionit të tij, me patjetër se do të haste veshtërsitë, për tu bërë “mollë e ndaluar”, talenti dhe pasioni i tij si këngëtar, pasi Ai kishte të “mëkatuar”, familjen e tij si anti-komuniste, ndaj dhe do ti shtoheshin pengesat, fillimisht edhe pa i kuptuar në moshë të re.
Por këmbëngulja e talentit nis në vitin 1989 i cili pati fatin të bëjë një kurs për këngëtar, ku me konkurs nga 90 veta do zgjidheshin vetëm 10-të, ku dhe u bë fitues.
Këtu ishte pikënisja për ngjitje, pasi quhej kursi i kualifikimit të kuadrove te kultures pranë Shtëpise Qëndrore të krijimtarisë popullore, po aty pati fatin të punojë me këngëtarë profesionist si Ibrahim Tukiqi, Naile Hoxha, Hysen Koçia, etj.
Ishin pikërisht këta artistë një shtysë e madhe që Leke Pecnikaj të konkuronte në Akademinë e Arteve.
Artistit Leke Pecnikaj, prej modestisë e thjeshtësisë së tij, çdo gjë i nxirret me recetë, edhe unë informacinin e mora më shumë nga kologët e tij, ai tashmë shënjestra ime, megjithëse unë nuk jam njohës i këtij zhandrri.
Mos të harrojmë se kënga është një zhanderr i vogël, hallPake e punëMadhe–citon mjeshtri i madh Kole Susaj.
Por së fundi ja nxorra me grepa disa ku më citon:-
Në kursin 9 mujor pata fatin të mësoj solfezhin (gjuhën e muzikës), ishte e veshtirë për mua konkurimi për Akademine e arteve por kursi që bana më dha shumë besim në vete, nuk ishte e lehtë pasi shokët e mi kishin fillue që ne klasë të parë muzikë,- në një kohë që unë s’kisha prek piano me dorë- përfundon Pecnikaj.
Por një vit më vonë në 1991 ai konkuroj në Akademine e Arteve të Bukura dhe bëhet fitues, në të vetmin Universitet ku gjiththçka bëhet me konkurim, e jo si Universitet e tjera me rezultate e i persekutuar politik, ketu vetëm konkurim e zotësi.
Artet janë me konkurs çdo kohe .
Menjëherë pas përfundimit të studimeve u paraqit në Festivalin Folkorik në Berat me Ansamblin Dardania me një duet humoristik me Gjemile Nokshiqin, i cili u vlerësua nga juria.
Ne vitin 1999 Leke Pecnikaj konkuroj në Teatrin e Operas për t’u bërë pjesë e trupës dhe për t’u punësuar, edhe këtu fitues i cili fillon punë në Korin e Teatrit te operas, por 10 vite me pas kalon me Ansamblin Shtetëror të këngëve e valleve popullore.
Ai tashmë pjesë e Ansamblit më të madh shqipfolës.
Artisti Leke Pecnikaj, ka patur fatin, dhuratë e profesionit të shetisë anembanë rruzullit toksorë duke dhënë koncerte.
Ai ka disa Albume muzikore që jetojnë ne tregun muzikor.
Ka bashkepunue me poetët, Hamit Aliaj, Gjoke Becin, Jorgo Papinxhin Armand Trebicka,Fran Laska, Viktor Gjikola etj, e me kompozitor Kole Susaj, Edmond Zhulalin, Mark Gjoka, Skender Dozhlanin etj.
Ai sot disponon edhe një thesar me mbi 300 kostume popullore të hapsirës mbarë shqiptare.
Mesova se artisti Pecnikaj po e tashëgon duke e përcjellur profesionin e vet te familja, pasi edhe djali i madh ishte muzikant, i binte Violines, kurse djali i dytë në PJANO mbarue Akademinë e Arteve.
Ndersa Profesori Kole Susaj vlerson,- se Leke Pecnikaj, është i përzgjedhuri i merituar në institucionin më prestigjoz të artit popullor, në Ansamblin e Shtetit shqiptar, e kjo nuk është pak për Nikaj-Mërturin e më gjerë të krenohet me talentet e kontribitin e bijëve të vet.
