Antony John Blinken, është një diplomat dhe politikan amerikan me origjinë nga Ukraina. Sekretar i Shtetit nën administratën e Biden nga 26 Janar 2021. Nga 2009 në 2013, ai ishte Këshilltar i Sigurisë Kombëtare i Zëvendës Presidentit të SHBA Joe Biden.
Blinken filloi karrierën e tij në Departamentin e Shtetit nën Bill Klinton.
Me vonë Blinken ishte gjithashtu kandidati i Barak Obama për kreun e Departamentit të Shtetit.
Kur Biden ishte senator, Blinken drejtonte stafin e tij në komitetin e punëve të jashtme.
Ai është i diplomuar në Universitetin e Harvardit dhe Shkollën e Drejtësisë në Columbia dhe ka qenë prej kohësh një shtyllë kryesore e Partisë Demokratike në çështjet e politikës së jashtme. Ka mbaruar të mesmen në Paris.
Blinken, raporton Associated Press, është një pikë referimi për shumë ish-zyrtarë të sigurimit kombëtar që kërkojnë me insistim të madh në angazhimin global të Shteteve të Bashkuara. Me pak fjalë, nën administrimin e Biden, SHBA duhet edhe një herë të jenë “feneri” i demokracisë botërore: duke lënë mënjanë hezitimin e Donald Trump.
Ai ishte një analist për New York Times dhe një analist për CNN, dhe një nga mbështetësit më të vendosur të Russiagate, teoria e pretenduar e bashkëpunimit midis Presidentit Donald Trump dhe Moskës, e cila më vonë u hodh poshtë pas tre vjet hetimesh.
Mbështetës i pranverës Arabe në 2011.
Në 2011-2012, Blinken doli në favor të “burimeve arabe” dhe “forcave të ndryshimit” veçanërisht në Egjipt dhe Libi. (Në Libinë e pas Gheddafit, kemi një shtet të ndarë, të përçarë të shkatërruar me shumë se kurrë dhe pjesa lindore e saj nën regjimin e një gjenerali a.k).
Siç raporton ish Presidenti Barack Obama në librin e tij të fundit “Toka e Premtuar”, në faqen 734, duke folur për Egjiptin dhe mbështetjen e administratës së saj për “Vëllezërit Myslimane”, Obama shkruan se “Këshilltarja Samantha, Denis, Susan Rice dhe këshilltari i sigurisë kombëtare të Joe (Biden) Tony Blinken, ishin të bindur se Mubarak kishte humbur plotësisht dhe në mënyrë të pakthyeshme të gjithë legjitimitetin në sytë e popullit egjiptian.
Menduan dhe vendosën se ishte strategjikisht e kujdesshme dhe e drejtë nga ana morale të mos mbështetnin një president të korruptuar dhe autoritar si Mubarak duke qëndruar në krah të forcave të ndryshimit ”. Forcat e “ndryshimit” që shpejt e çuan Egjiptin në regjimin shtypës dhe islamik të Mohamed Morsi, përfaqësues i Vëllazërisë Myslimane. (Sot kemi në pushtet Abdel Al Sisi, një gjeneral që ka vendosur autoritetin absolut me ndihmën e forcës dhe tankeve a.k).
Blinken dëshironte luftë kundër Assad në 2013.
Antony Blinken ishte një mbështetës i vendosur i ndërhyrjes ushtarake amerikane kundër Bashar al-Assad në Siri. Sipas Financial Times, Blinken, në vitin 2013, mbështeti variantin ushtarak kundër Sirisë pas përdorimit të supozuar të regjimit Sirian të armëve kimike, një rrugë që Barack Obama refuzoi të ndiqte. Mirëpriti publikisht vendimin e Donald Trump për të goditur Sirinë në 2017, si një veprim demonstrues.
Kina dhe Rusia, Korea e Veriut e Irani (politika bërthamore e tyre), Turqia ( e papranueshme që ka blerë misile nga Rusia) dhe Lindja e Mesme, janë dosjet ardhshme të politikës së Blinken, shumë shumë delikate.
