Norvegjia njihet nga shumëkush si një vend nordik i pasur dhe me klimë të pastër e po ashtu me nivel të lartë mirëqenieje.
Por për disa mijëra banorë në një qytet norvegjez, këto nuk mjaftojnë.
Atyre u mungon drita e diellit. Të paktën pesë apo gjashtë muaj në vit, ata nuk e shohin dot dritën e Diellit me sy.
Bëhet fjalë për qytetin Rjukan në rajonin Telemark të Norgvegjisë. Ky qytet ndodhet në një luginë të ngushtë dhe afro 4 mijë banorët e saj janë dënuar nga natyra vetëm me gjashtë muaj dritë.
Pra, e thënë ndryshe, rrezet e dritës mbulojnë qytetin vetëm 6 muajt e vitit, 6 muajt e tjerë banorët janë në errësirë të plotë.
Por ekspertët e kanë gjetur zgjidhjen që kanë bërë përpjekje ta realizojnë prej disa vitesh.
Tani, rrezet e diellit kanë mbuluar sheshin kryesor të qytetit dhe kjo është bërë e mundur pas vendosjes së pasqyrave gjigante në pjesët anësorë të luginave të malit.
Ky projekt, konsiston në mposhtjen e errësirës, duke vendosur tri pasqyra katrore në një sipërfaqe prej 500 metër katrorë.
