?Kakavijë
Kjo nuk është Shqipëria që duam!
Në sytë e qindra qytetarëve shqiptarë bllokuar në radhën pa fund shikon dëshpërimin, dorëzimin, vuajtjen por më e dhimbshmja është të ndjesh bindjen e tyre se ikja nga ky vend është e vetmja zgjidhje dhe i vetmi shteg shpëtimi.
?Përse deri këtu ?
Jeta dhe dinjiteti i çdo shqipari vlen më shumë se uni i “vetkënaqun” deri në delir i një kryemnistri të dështuar, për gjunjëzimin, nëpërkëmbjen, zhvatjen, talljen, përbuzjen, mashtrimin që na hedh çdo ditë si ushqim duke na zhbërë si individë dhe duke na shndërruar në turmë që duhet vetëm të bindet dhe të mos reagojë.
Shqiptarët janë të braktisur, shqiptarët janë të vjedhur, të munduar, të lodhur, të duruar përtej durimit. Mos luaj me durimin e tyre dhe mos harro, se durimi i vënë në provë disa herë, kthehet në zemërim.
