Lionel Messi shkëlqeu duke dhuruar magji në fitoren e Barcelonës 4-0 në derbin katalonas ndaj rivalit lokal Espanyolit, të shtunën në “RCDE Stadium”.
Superylli argjentinas i shënoi dy gola, të dyja nga goditja e lirë, dhe dhuroi një asist për Ousmane Dembelen, duke regjistruar njërën prej paraqitjeve të tij më të mira për Barçën.
Disa legjenda të futbollit, si ish-ylli i Spanjës dhe Barcelonës, Carles Pyol, dhe ish-ylli i Anglisë, Gary Lineker, e shprehen admirimin e tyre për paraqitjen e Messit.
“A dyshon dikush se kush është më i miri në botë? Ai [Messi] nuk ka nevojë për çmime individuale”, shkroi Pyol në Twitter.
“I pesti në garë për Topin e Artë?”, ngriti pyetjen Lineker, të cilës ia bashkëngjiti disa figura duke qeshur me lot.
