Nga Elona CASLLI
Pamjet e dy ditëve më parë na përballën me shkatërrimin e gjimnazit ‘ Sami Frashëri’ në Tiranë.
Pa u menduar dy herë, me gjakftohtësinë e një kasapi me përvojë, Erion Veliaj do të bënte një kurban tjetër në kujtesën e këtij qyteti.
Para therjes, do të mjaftohej veçse me dy fjali- E panë inxhinierët e huaj dhe thanë se duhet shembur.
Gjimnazi në fjalë është rikonstruktuar më parë me taksat tona. Janë kryer ndërhyrje në këtë godinë më parë.
Lindin pyetjet- Cili qe grupi i punës që vlerësoi godinën para se të kryheshin ndërhyrjet?!
Cili është grupi i punës që ka vlerësuar se godina duhet shembur?
Kush janë këta inxhinierë të huaj që as emrat nuk ua dimë?!
Kush e ka bërë projektin e gjimnazit të ri që do të bëhet?!
Askush nga ne nuk di asgjë, ndërkohë që secili prej nesh duhet të dinte gjithçka, pasi ne jemi taksapaguesit.
Erion Veliaj, ky i paditur deri në dhimbje dhe i lig deri në marrëzi, do të vazhdojë ende të bëjë kurbane në këtë vend, nëse taksapaguesit nuk do të vendosin të kërkojnë llogari për taksat e tyre.
Kasapi në krye të bashkisë ka dy standarde për ekspertizën e huaj:
- Kur ekspertiza e huaj është pro shembjes së një godine thotë- E ka thënë eskpertiza e huaj që godina duhet shembur.
- Kur ekspertiza e huaj është kundër shembjes së një godine, si në rastin e Teatrit Kombëtar thotë- Nuk kanë punë të huajt të vendosin për qytetin tonë, pasi vendimi për Teatrin Kombëtar, është vendim lokal dhe nuk mund të vendosin ndërkombëtarët për të.
Post Scriptum- Në pritje të kurbanit të radhës.
