Nga Agron PREBIBAJ
Para pak kohe jam njohur me Zj. Vilma Markaj Berisha, nëpërmjet faqes time në fb, e cila më bëri përshtypje për të qënurit aktive në PSHDK-në e Kosovës me banim në Zvicer.
Sigurisht se ngacmimi im erdhi pas mungesës së zonjave në politikë, e aq më e theksuar në Kosovë, megjthëse tashi së fundi politika po shikohet si molla e pandaluar për të gjithë.
Unë si demokristiani më jetëgjatë në strukturën e PDKSH, pse jo mos të hedh shikimin e të vëzhgoj demokristianët kosovarë si identiteti më i shëndoshë shqiptar.
Dialogu im me Zonjën Vilma Markaj Berisha ka nisur me, mbështetjen e femrave për pjesmarrje në politikë të cilave nuk po ju krijohen hapsira.
Tek sa Ajo natyrshëm e mbështet femrën si domosdoshmëri në çdo vendimmarrje e si qënja më me dhimbshuri njerëzore, -unë e kundërshtoj mbështetjen artificiale, pasi femra duhet të guxojë vetë në çdo kërkësë që kërkon koha e zhvillimi i shoqërisë.
Vite më parë në një shkrim timin, e kam quajtur të padrejtë ndryshimin në kodin zgjedhor, i cili përcakton 30% duhet të jenë femra në listat e partive në zgjedhje, një kërkesë kjo e BE-së, e cila nuk u zbatua kurrë as nga vetë ata. Normalisht se femra është më e ndjeshme dhe shumë më korrekte se burrat në administratën e shtetit, por jam kundër shpërblimeve gratis ndaj tyre nga lideret politik aq më tepër shqiptar, të cilët vetëm përzgjedhin femrën e preferuar e jo meritokracinë, duke qëndruar larg zgjedhjes reale. Pra burrat shqiptar janë sylesh e shkelësit më të mëdhenj përballë femrës dhe shumë të korruptuar, vërtetë të ligj përballë njeriut femër, barometri më i ulët mashkullor përballë qënjes me të bukur mbi tokë.
Unë them se femrat sot kanë kapur majat e veta të pushtetshme por akoma larg asaj çfarë ju takon, e cila fitohet vetëm me pjesmarrje aktive e me zgjedhje të barabarta në garë me secilin burrë, vetëm kështu merret e drejta, asnjëherë me ligje e dhurata.
Në të gjithë jemi bij të nënave, ndaj i duam dhe i mbështetim, në të gjithë kemi motra,i duam dhe i mbështetim, por ato duhet të futen në betejë, duke mos pritur kurrë më mbështetje me ligje.
Në përgjigje të Zonjës Vilma i them: Se femrat shqiptare janë të shkëlqyera, besnike, të dashura e më punëtore se burrat, ndaj dhe duhet vetë të luftoni në këtë betejë të drejtë njerëzore. (në foto, Vilma Markaj Berisha) a.p