Nga Sheradin Berisha
Lufta është instrument i politikës! Bëhet për interesa gjeostrategjike, gjeopolitike, ekonomike, financiare, për pasuri natyrore e nëntokësore (ujë, gas, naftë, diamant) et.
Juristi i shquar amerikan Francis Paiker Yockey, në librin “Imperium” thotë se, “është fryma e politikës ajo që përcakton formën e luftës dhe forma e luftës pastaj ndikon në zhvillimin e politikës”.
Politikanët, gjithmonë format e luftës për zhvillimin e politikave i bëjnë në emër të një kauze, të një ideologjie, të një doktrinë politike apo fetare, etj., dhe pastaj për realizimin e tyre nuk zgjedhin mjete!
Në luftë rrjedhimisht viktimizohen: fëmijë, gra e pleq të pafajshëm, kështu siç po ndodhin në luftën e përgjakshme në lindjen e Mesme!
Kjo gjëmë e trishtueshme që po zhvillohet së fundmi në Siri, duket se, nuk do të ndalet, deri sa të realizohen interesat e fuqive të mëdha, dhe aleatëve të tyre në këtë pjesë të globit!
