Sokol Guga, tashmë një emër i njohur në median shqiptare, vjen me edicionin e 5 të spektaklit “Krishtlindje në Tiranë”. Spektakli aq i dashur që tashmë është kthyer në traditë në kryeqytet vjen për herë të 5 me shumë të ftuar special dhe me plot surpriza.
“Ky është një vit i vecantë”- shprehen organizatorët, ku për herë të parë stafi realizues është duke punuar për ti dhuruar publikut edhe një revistë të 5 edicioneve Krishtlindje. Revistë e cila do të jëtë e bashkangjitur me revistën StarPeople e cila është edhe partnere e këtij edicioni. Stafi ynë ka mëduar se cilët janë të ftuarit e këtij viti, të cilët do të na dhurojnë emocion.
Këngëtaria e mirënjohur Kejsi Tola, këngëtaria nga Kosova Festina Mejzini, tenori i madh shqiptar Kastriot Tusha, aktoria e mirënjohur, e cila vjen enkas nga Australia Arta Mucaj e cila do të vij me një poezi por edhe të ftuar ndërkombëtar si këngëtaria e famshme ruse, Polina Smolova e këngëtari i famshëm Italian Giuseppe Povia. Sokol Guga kishte rreth dy vite që ishte në negociata me Povian dhe mesa duket këtë vit ka arritur ta bind e ta sjell në Tiranë.
Gjithcka është konfirmuar dhe pritet që vetëm artistët të mbërrijnë në Tiranë për spektaklin “Krishtlindje në Tiranë”. Gjithcka në këtë spektakël do të jetë live, ku orkestra do të drejtohet nga Artemis Veizaj, e orkestrimet nga Jusiald Xhani të cilët janë kujdesur për performancat artistike. Skenografia e këtij edicioni i është besuar përsëri të mirënjohurit Bashkim Zahaj i cili tashmë është pjesë e produksionit.
Spektakli “Krishtlindje në Tiranë” këtë edicion do të transmetohet ne televizionin Klan + në datë 25 Dhjetor për të gjithë telespektatorët. “Një edicion ndryshe, këtë vit”-shprehet Sokol Guga. Shumë përgjegjësi e shumë pasion e përkushtim për të realizuar një spektakël të bukur e të madh. Gjithcka pritet të shohim natën e Krishtlindjeve ku Guga e stafi i tij premtojnë një natë të paharruar.
