Përfundoi procesi zgjedhor për zgjedhjen e Kryetarit të Partisë Demokratike, Dega Kamëz–Paskuqan, ku fitues u shpall z. Dhimitër Vata.
Pas shpalljes së rezultatit, Dega e Partisë Demokratike Paskuqan falënderoi të gjithë demokratët për pjesëmarrjen dhe vlerësoi garën e zhvilluar në mes dy kandidatëve, posaçërisht Dr. Sabri Hoxhën, i cili i dha procesit vlera demokratik dhe aspekt dinjitoz.
Në mesazhin e tij të parë pas zgjedhjes, Kryetari i ri i PD Kamëz–Paskuqan, Dhimitër Vata, shprehu mirënjohje për të gjithë anëtarët dhe demokratët që i dhanë besimin për drejtimin e degës.
“Besimi juaj është nder dhe përgjegjësi e madhe. Respekte për kandidatin dhe mikun tim Dr. Sabri Hoxha. Së bashku me të gjithë demokratët e Kamzës dhe Paskuqanit do të punojmë për ta rikthyer Partinë Demokratike në forcë fituese në zgjedhjet e ardhshme”, u shpreh Vata.
Me këtë zgjedhje, PD Kamëz–Paskuqan nis një kapitull të ri organizimi, me synimin për të forcuar strukturat dhe për të rikthyer mbështetjen e demokratëve në këtë zonë.
✌🏻 “Së bashku me demokratët, për një PD më të fortë dhe fituese.”
