Ish-deputeti Eduart Ndocaj ka reaguar ashpër ndaj situatës së përmbytjeve që kanë përfshirë Bashkinë Lezhë, duke akuzuar kryebashkiakun Pjerin Ndreu për propagandë mashtruese dhe menaxhim të papërgjegjshëm të krizës.
Në një postim të bërë në rrjetet sociale, Ndocaj shprehet me tone ironike dhe kritike për mënyrën se si po trajtohet emergjenca, duke theksuar se pas një dekade qytetarët tashmë “kanë kuptuar” arsyet e përmbytjeve të vazhdueshme.
Reagimi i plotë i Ndocajt:
“Tani lezhjanët të rrinë të qetë. Pas 10 vitesh, më në fund kanë kuptuar pse uji përmbyt çdo vit Lezhën.
Njoftohen qytetarët e përmbytur të Lezhës të qëndrojnë të qetë, sepse qeveria ka dërguar në terren ‘specialistin’ e saj, Zegjinën e Bashkisë Lezhë.
Pasi uji të marrë opinionin e këtij ‘specialisti’ të bashkisë, do të vendosë vetë nëse do largohet apo jo.”
Ndocaj e cilëson situatën një dështim të përsëritur të qeverisjes vendore për të marrë masa të qëndrueshme në parandalimin e përmbytjeve. Deri tani, Bashkia Lezhë nuk ka dhënë një reagim zyrtar lidhur me akuzat e ish-deputetit
