A mund të përmbyset qeveria aktuale me votë? Së pari duhet konkludue me mendimin që kjo qeveri asht ma e korruptuara që nga viti 1912 deri më sot. Së dyti që është qeveria më arrogante dhe më agresive ndaj opozitës. Nuk ka kursyer as do të kursejë së përdoruri asnjë makinacion, metodë e presion për të mbajtur pushtetin e saj. Duke patur parasysh se kjo qeveri dhe partia nga buron kjo, pra PS, asht tashma përfaqësuese tipike e qeverive nën kontrollin e oligarkisë duke përfshirë këtu edhe atë ruse, bjelloruse etj, bahet deridiku e domosdoshme përmbysja e saj, rrëzimi i saj me votë. Tash vijmë tek elementi i dytë në garë. A asht opozita e fortë mjaftueshëm me i ba ballë kësaj? Vështirë. Asnjë parti opozitare e vetmuar s’ia del dot përballimit me makinerinë e korrupsionit majtist. Asnjëra. Partia ma e madhe e opozitës kësaj here ka përgjegjësi historike karshi kombit tonë e popullit që po vuan në mjerim ekonomik, shpirtëror dhe më gjerë. Rinia po largohet me shkulma. Popullsia nga e dyta ma e re ne Europë ne 1990 asht ndër ma të plakurat në Europë sot. Ndaj Partia Demokratike dhe lideri i saj Z.Sali Berisha duhet dhe besoj se janë të ndërgjegjshëm se nuk e ka luksin me refuzue bashkëpunimin me çdo parti tjetër opozitare, sidomos me partitë e traditës së djathtë si Partia e Legalitetit, Ballit Kombëtar, shtresës së të persekutuarve dhe të shpronësuarve e më gjerë. Asnjë parti duke pasë parasysh edhe partinë anëtar i së cilës jam, pra Partinë e Legalitetit nuk duhet të ndjehet në zor me bashkëpunue me partinë ma të madhe të opozitës Partinë Demokratike megjithë dallimet që kemi në programet tona politike dhe ekonomike e deri tek forma qeverisëse. Të gjithë e dijnë se nuk ka as zgjidhje të përkryer as koalicion të përkryer por ka sot ma shumë se kurrë nevojë për një koalicion me bazë të gjanë popullore. Partia Demokratike pra ka ma shumë se kurrë shancin e rastin me ba nji korrektim historik të vetvetes dhe ketë në dobi të kombit e atdheut. Si anëtar i kryesisë dhe përgjegjës për marrëdhanie me publikun i një dege mjaft të randësishme të Legalitetit në biseda me shokë bashkëpunëtorë e të tjerë e shohim të udhës një bashkëpunim me kontribute dhe përfitime reciproke me Partinë Demokratike të Shqipnisë. Kjo me mendimin bazë se qeveria socialiste asht dam në vazhdim i çeshtjes sonë shtetnore e kombëtare me pasoja brenda vendit dhe me pasoja të paparashikueshme në dam të Kosovës. Një miqësi tradicionale e së majtës shqiptare me Serbinë dhe veçantisht miqësia ekstreme mes kryeministrit aktual të Shqipnisë me individë e institucione sërbe sigurisht asht e rrezikshme në afat të gjatë. Urrejtja e liderit të PS për qeverine e Kosovës dhe kryeministrin e saj Z. Kurti tashma asht e njohur publike si në Shqipni, në Kosovë dhe Serbi.
