Nuk më bën më përshtypje
se çfarë ngjyre i ka blerë perdet komshiu
për të tretën herë brenda vitit
Nuk më bën më përshtypje
se kush ka më tepër gradaçela
New Yorku, Tirana apo Dubai
Nuk më bën më përshtypje
se do zgjidhet Sala apo Edi si kryeministër
për të shtatën, ose dhe të shtatëmbëdhjetën herë
duke djegur dhe gjeneracionet e ardhshme
Nuk më bën më përshtypje
se në USA dhe Europë
po kthehet sërish nacionalizmi
me përkufizimin ndaj tolerancës
Nuk më bën më përshtypje Rusia
me luftën e pangopjes në Ukrainë
dhe Kina me urinë ndaj Tajvanit
Dhe mbas gjithë këtyre dukurish
kur njerëzit harrojnë historinë
dhe marshojnë drejt shkatërrimit
nuk më bën më përshtypje
dhe ti me largimin tënd
ku edhe ajo Botë e vogël
në intimitetin e parajsës së përkryer
vetëdigjet
Mbase tani dhe vdekja
në mënyrën më c’njerëzore me luftën
nuk do më bënte më përshtypje
në injorancën, lakminë dhe naivitetin tonë
Pikturë Agim Sulaj
Refleksione demokracie
