Nga Hysni Gurra
Plot një shekull pas shkëputjes së Komunitetit Mysliman të Shqipërisë nga Kalifati Osman, një gjakprishur shqiptar, që për shkak të prishjes së gjakut e besimit të shqiptarëve është kryeministër, një i pa dinë e iman (i pa fe) ka rikthyer pas plot 101 vjetësh Komunitetin më të madh fetar në vend, nën kalifatin e ri turk.
Ky është me fjalë të përmbledhura epilogu i ngjarjes së 10 tetorit 2024 në Tiranë.
Pashai po vjen në Shqipëri, por jo për t’u dhënë myslimanëve shqiptarë një xhami, siç besojnë disa në mënyrë naive, apo siç e shesin disa të tjerë ligësisht. Ai po vjen për t’i vënë vulën marrjes së pavarësisë së Komunitetit Myslilan të Shqipërisë.
Parantezë: Erdogan nuk ka aspak faj. Ai është një nga liderët më të mëdhenj të botës së sotme. Lojtar i dorës së parë në ngjarje botërore. Shtetarë i një ish-perandorie të madhe, me orekse ekspansioni kulturor e më shumë. Erdogan është në drejtën e tij të shtrijë influencën e tij kudo ku të mundë në interes të shtetit të tij, të cilit nuk i veniten shpresat perandorake. Kush ka qenë një herë perandor, do që të bëhet prap, kush ka qenë njëherë tradhëtar do tradhëtojë sërish, dhe ky i Fundit është Edi Rama. I cili për interesa të pushtetit të tij ka hedhur në erë bashkjetesën fetare në Shqipëri dhe ka përdhunuar mëvetësinë e njërit prej, në mos të vetmit, komunitet fetar në Shqipëri.
E gjithë kjo nuk është fantazi, as hamendësim, është një realitet që do të ndodhë nesër (10 tetor 2024).
Për mbyllje: Edhe pse nuk e kanë pohuar në ligjëratë të drejtë, Komuniteti Mysliman ka pranuar kapitullimin përballë Ramës.
Fakti që në një deklaratë pranohet se ata nuk do jenë në eventin më të rëndësishëm për ta, kurorëzimin e një ëndrre shekullore, inagurimi i Xhamisë së Namazgjasë, tregon se, siç thonë shkodranët me një shprehje të urtë, tipike për këtë rast, pashai nuk do kallaballëk.
Kallaballëk, nesër, në inagurimin e Xhamisë së Namazgjasë janë të zotët e shtëpisë, e theksoj prap, nuk ka faj pashai që s’do kallaballëk, fajin e ka gjakprishuri Edi Rama i cili për interesa të tij i ka vënë minat harmonisë fetare dhe pavarësis së institucioneve të tyre përfaqësuese në vend.
