Policia e Shkodrës bën me dije se është vetëdorëzuar në polici shtetasi Ormir Gucia, 47 vjeç, i cili para disa orësh goditi me send të fortë në kokë, efektivin e policisë, Admir Oka.
Mësohet se Gucia është fqinji i Admir Okës.
Policia po punon për të mësuar shkaqet që sollën këtë ngjarje.
Njoftimi i Policisë:
Shkodër/Informacion shtesë
Në lidhje me informacionin e dhënë më parë, sipas të cilit shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, (punonjës policie), ju informojmë se pas kontrollit dhe presionit të Policisë, 47-vjeçari është vetëdorëzuar në Komisariatin e Policisë Shkodër.
AMP dhe grupi hetimor vijojnë punën për zbardhjen e rrethanave të këtij rasti.