Shumica prej njerëzve që kanë qenë beqarë për një kohë të gjatë nuk e ndjejnë nevojën e një partneri pranë tyre. Ndërsa disa të tjerë mund të jenë lodhur me jetën në çift dhe thjesht kanë nevojë për pak pushim.
Një numër i konsiderueshëm njerëzish nuk duan të kenë një partner në jetën e tyre. Të qenit vetëm është një përvojë e magjishme që ne mund ta shijojmë çdo ditë. Njerëzit që tërhiqen shumë nga jeta beqare, por që janë në një lidhje romantike, shpesh e gjejnë veten të etur për jetën single.
Psikologia sociale Wendy Morris thotë se njerëzit e martuar mendojnë se beqarët nuk janë aq të lumtur sa të martuarit. Ndërkohë që nga ana tjetër, beqarët mendojnë të njëjtën gjë për të martuarit.
Asnjë nga këto nuk do të thotë se ne jemi të lumtur gjatë gjithë kohës. Askush nuk është. Por tek e fundit, beqarët janë të lumtur që janë beqarë.
