Nëse e dashura juaj ju kërkon të mos uleni në shtratin e saj – mos u ofendoni! Është më mirë të ndjekësh shembullin e saj. Nëse nuk e keni idenë se në çfarë kanë ndeshur rrobat tuaja tërë ditën, këtu janë disa nga këto sekrete të vogla.
Ne jemi shumë të vëmendshëm kur bëhet fjalë për shëndetin dhe mirëqenien. Pra, nëse nuk i kushtoni vëmendje asaj që po prek shtratin tuaj – vazhdoni të lexoni më poshtë, mund të na falënderoni më vonë.
Bakteret ngjiten në trup si zam
Bakteret mund të jetojnë për javë ose madje muaj mbi rrobat tuaja, sipas Philip Tierno, MD, drejtor i Mikrobiologjisë dhe Imunologjisë në Universitetin e Nju Jorkut. Tierno shton, që madje edhe rrobat krejt të reja mund të ndoten me mikrobe, kështu që është padyshim një ide e mirë ta hiqni këmishën në të cilën keni qenë duke ecur për 12 orë, përpara se të uleni në shtrat. Ky rregull duhet të zbatohet edhe për mysafirët tuaj.
Veshja e rrobave tuaja të jashtme në shtrat mund të shkaktojë infeksione, skuqje, puçrra dhe madje të sjellë pleshta
Një nga arsyet që ne shpesh shohim puçrra në shpinë dhe gjoks është për shkak të rrobave, të cilat mbledhin pluhur në rrugë dhe zyra, djersitje dhe lëkurë të vdekur – në përgjithësi, trupi i njeriut largon afro gjysmë milion qeliza të lëkurës dhe rreth një litër djersitje çdo ditë. Dhe shtrati juaj mund të jetë një qendër e shkëlqyeshme për transportin e tërë kësaj papastërtie.
Rrobat e jashtme kanë qenë kudo. Në kuptimin e plotë të fjalës
Vetëm një moment të mendosh se çfarë kanë prekur rrobat tuaja të jashtme: vendet e metrosë, karriget e zyrave, karriget e barit, muret e ashensorit, stolat në park … Tani mendoni se sa shumë njerëz kanë qenë në ato vende! A do t’i ftonit ata të ulen në shtratin tuaj?
Pasi të filloni të vini re se çfarë prekin rrobat në rrugë, do të mendoni dy herë përpara se të lejoni rrobat e jashtme të dikujt të prekin shtratin tuaj.
Shtrati juaj është një zonë rehatie dhe sigurie
Ju duhet të ndiheni rehat kur të mbështillni veten me batanije dhe të përqafoni jastëkun, pasi është një vend për t’u çlodhur dhe për të fituar energji. Divizioni i Mjekësisë së Gjumit në Harvard këshillon, për shembull, të mos punoni në shtrat dhe të kaloni kohë me miqtë në kuzhinë ose në dhomën e ndenjes në vend të kësaj. Kështu që truri e lidh shtratin me relaksin dhe rehatinë, që është një kontribut i shkëlqyeshëm për gjumin e shëndetshëm.
Çfarë rregullash të pashprehura keni në shtëpinë tuaj? Për shembull, a i lejoni kafshët shtëpiake në shtratin tuaj? Do të jemi të lumtur nëse na tregoni në seksionin e komenteve më poshtë!
