Kamila, Dukesha e Kornuellit, është tashmë bashkëshortja e mbretit Charles III. Një udhëtim i jashtëzakonshëm për gruan që konsiderohet ndoshta më e urryera në Britaninë e Madhe, për shkak të rolit të saj në prishjen e martesës së Çarlsit me Princeshën Diana.
Për vite me radhë, Camilla u përbuz nga britanikët si njeriu që çoi në që shkatërroi historinë e dashurisë mbretërore. Në një intervistë të famshme dhënë BBC-së në vitin 1995, Lady Diana u ankua: “Ishim tre në atë martesë” – ajo, Çarls dhe Kamila, e dashura e tij prej kohësh.
Madje, thuhet se Lady D e kishte pagëzuar Kamilën me emrin “Rotvajleri”. Pasi Diana vdiq në një aksident automobilistik në Paris në vitin 1997, Çarls dhe Kamila gradualisht filluan të shfaqeshin së bashku në publik dhe me kalimin e kohës u pranuan si çift. Ata u martuan në vitin 2005 dhe ajo, me kalimin e kohës, nisi të vlerësohej si gruaja besnike e mbretit të ardhshëm.
Seriali i njohur i Netflix “The Crown”, që përshkruan jetën e familjes më të famshme britanike, ringjalli interesin për lidhjen e tyre.
Kamila bën fushatë për të rritur ndërgjegjësimin për osteoporozën – sëmundje nga e cila ka vuajtur nëna e saj, Rosalind. Vetë Elizabeth në 70-vjetorin e mbretërimit të saj është shprehur se shpresonte që Camilla të njihej si Mbretëresha bashkëshorte kur Çarls të bëhet mbret, duke zgjidhur një debat të gjatë mbi titullin e saj të ardhshëm.
Një sondazh i YouGov në maj 2022 zbuloi se vetëm 20 për qind do të donin ta shihnin atë në rolin e “mbretëresha”, ndërsa 39 për qind zgjidhnin titullin “Princesha bashkëshorte”.
Edukim tradicional
E lindur Kamilla Rozmari Shand në Londër më 17 korrik 1947, ajo është edukuar në mënyrë tradicionale midis klasave të larta të Britanisë. Mbesa e Baronit të 3-të Ashcombe, Roland Cubitt, ajo u shkollua në Londër, shkoi në shkollë në Zvicër dhe Francë dhe e kaloi jetën në shtëpi në një pronë fshati në Sussex, në Anglinë jugore.
E sigurt në vetvete dhe tërheqëse, ajo u takua për herë të parë me Princin Çarls kur ishte grua e re në një ndeshje polo në fillim të viteve 1970, dhe më vonë ata u afruan. Megjithatë, duke besuar se Çarls nuk do t’i propozonte kurrë, ajo u martua me oficerin e Ushtrisë Britanike Andrew Parker Bowles në 1973. Të ftuarit mbretërorë përfshinin motrën e mbretëreshës, princeshën Margaret, dhe vajzën e monarkut, princeshën Anne.
Çifti kishte dy fëmijë: Tom Parker Bowles, kumbari i të cilit është Charles, shkrimtar, ndërsa Laura Lopes është kuratore arti. Ndjenjat e ndërsjella me princin mbetën, megjithatë, dhe Çarls supozohet se vazhdoi të takohet me Kamilën edhe pas martesës së profilit të lartë me Dianën në Katedralen e Shën Palit në 1981.
Romanca u rindez plotësisht më vonë atë dekadë, ndërsa martesa mbretërore mbaroi. Kamila dhe Andreë Parker Boëles u divorcuan në vitin 1995, një vit para Çarls dhe Dianës.
Pas vdekjes së Dianës, Çarls dhe Kamila e mbajtën lidhjen e tyre të rezervuar, por gradualisht u bë e qartë se ata po jetonin efektivisht së bashku si burrë e grua.
Pas muajsh planifikimi të kujdesshëm, çifti bëri daljen e parë publike së bashku në vitin 1999 dhe më pas u bënë gjithnjë e më të hapur për lidhjen e tyre.
Dasma në Windsor
Ata u martuan në qytetin mbretëror të Windsor më 9 prill 2005, në një ceremoni civile të ndjekur nga një bekim fetar në kapelën e Shën Gjergjit, në prani të mbretëreshës Elizabeth II.
Por dasma – e shtyrë me një ditë për t’i dhënë mundësi princit të marrë pjesë në funeralin e Papës Gjon Pali II – tërhoqi një turmë prej 20 000 njerëzish në rrugët që çojnë në Kështjellën Windsor.
Si çift i martuar, ata nisën një jetë me detyra mbretërore, turne jashtë shtetit dhe pushime në Balmoral, pasuria mbretërore në Skocinë verilindore.
Me kalimin e kohës, Kamila është pranuar edhe nga familja mbretërore, duke përfshirë dy djemtë e Çarls dhe Dianës, princat Uilliam dhe Herri.
Në vitin 2005, Harry hodhi poshtë imazhin e saj si një “njerkë e ligë”, duke e përshkruar atë si një “grua të mrekullueshme që e ka bërë babanë tonë shumë, shumë të lumtur, çka është gjëja më e rëndësishme”.
