Nga Iva GRILLO
Kushdo qe pati rast te degjoje konferencen per shtyp te Kryeministrit spanjoll dhe atij shqiptar, do kete pasur rastin te degjoje edhe kontekstin e superlativave te meposhtme:
“si nje mik i madh dhe shok i partise socialiste…per angazhimet e tij europiane por edhe formen ne te cilen ben politike, etj..etj”.
Me duhet te them qe megjithese kam kaq vite qe jetoj ne nje vend europian dhe politiken e ndjek aq sa kam mundesi, deklarata te tilla nuk kam degjuar kurre ne raste vizitash zyrtare shteterore…perveçse ne rastet kur nje politikan vdes apo del ne pension.
Dhe ky vezhgim vlen edhe ne rastin e politikaneve me talent dhe integritet maksimal, qe ndoshta edhe mund ti kishin merituar levdata te tilla.
Dhe ka disa arsye per kete gje:
Se pari, vizitori respekton shtetin ne te cilin eshte bujtes, duke respektuar institucionet e tij qe shtrihen kryesisht pertej nje individi sado i talentuar qofte, por duke respektuar dhe ndjeshmerite e qytetareve te cilet e kane ne kurriz perdite qeverisjen e Kryeministrit X dhe mund ta mendojne “fatlumesine” e tyre fare ndryshe nga miku qe ka ardhur per nje vizite 2 oreshe.
Se dyti, vizita e nje perfaqesuesi te nje shteti tjeter kryesisht shihet si maredhenie midis dy shteteve dhe jo midis “shokesh” partish simotra… Simpati te tilla patjeter ekzistojne , por secila pale ka miresine t’ia kurseje publikut keto shprehje adhurimi personal ne publik, sepse ne fund te fundit te gjithe qytetaret paguajne taksa, pavaresisht nese kryeministri i tyre u duket “shok socialist i mire” apo kreu i nje rrjeti oligarkik e mafioz qe po i merr frymen vendit.
Deklarata te tilla te cilat jane jokoherente me raportet qe prodhojne edhe institucionet e BE dhe qe e listojne Shqiperine si vendin me te korruptuar ne Evrope, mund te kene lidhje me axhenden e vendit te vet apo dhe ate internacionaliste te bujtesit te nderuar, por nuk kane asnje lidhje me ndjeshmerite e shqiptareve ne Ballkan- gje te cilen zoteria e shprehu shume qarte dhe pa asnje droje.
Tani ka dy mundesi per adhurimin alla “sanço panço” te bujtesit tone sot:
-ose po mundohet ti mbaje lart moralin apo me “gajret” popullin e nje vendi qe ka kohe qe po shkon drejt gremines…
-ose eshte instruktuar si shume te tjere qe te pompoje e te fryje ne menyre artificiale “figurina” te nje realiteti virtual “3D” i cili po behet kaq i modes kohet e fundit… duke tentuar te na ngope gjithnje e me shume me luge te zbrazet.
