Politikani Ilir Meta ka reaguar për herë të parë për njoftimin e dhënë dje nga Autoriteti i Dosjeve, se një politikan i lartë me inicialet I.M ka qenë bashkëpunëtor i ish-Sigurimit të Shtetit. Në dosje thuhet se bëhet fjalë për ish-presidentin e vendit, zotin Ilir Meta.
“Kush e ka ndaluar dhe kush e ndalon këtë Autoritetin të bëjë publik dosjen?! Sa I.M kanë qenë në Fakultetin e Ekonomisë, sa I.M kanë qenë në klasën time?. Unë në atë kohë kam qenë kryetar i Rinisë në Fakultet. Në klasën time kanë qenë dy Ilir Metaj. Unë dhe një person tjetër që nuk besoj se ka qenë dhe ai”, është shprehur Meta në një deklaratë nga selia e Partisë së Lirisë.
Më tej, ai sqaroi se ka 30 vite në politikë dhe i ka kaluar të gjitha verifikimet e të gjithë komisioneve të kohës, nga Sali Berisha, te Fatos Nano dhe te komisioni aktual i Autoritetit të Dosjeve.
“Po ça i kushtonte Autoritetit të thërriste këtë person, këtë I.M sepse unë kam emër, jam Ilir Rexhep Metaj. A ka njeri që e beson këtë gjë. U ngrit Parlamenti në këmbë, po cili Parlament?! Parlamenti me në krye zonjën Nikolla, apo Lindita e Ramës”, vijoi ai.
