Analisti Ben Andoni për shpalljen non grata të Sali Berishës nga Britania e Madhe thotë se beson se kishte indicie dhe se kjo dukej nga mënyra si artikuloi Edi Rama në parlament dhe tensioni i vazhdueshëm i Berishës.
Për MCN Tv, analisti tha se Berisha zgjodhi ta kumtojë vetë dhe të ngrejë fabulën e një përndjekje të madhe.
Shqetësimi i madh për publikun është se ky lloj komunikimi më shumë po i bën nder zoti Rama. Që zoti Berisha shpallet nuk është më lajm, lajm janë njerëzit e tjerë që do jenë në këtë listë.
Britania e Madhe i ka shpallur luftë tejet të egër krimit të organizuar dhe kjo duket nga masat që marrin vazhdimisht ndaj këtij krimi.
Ne na ka treguar se opozita nëse ka qenë në udhëkryq të rrezikshëm, tani është para një humnere dhe duhet të zgjidhin jo vetëm problematikat e tyre.
Berisha duhet të kuptoj se kur dy fuqi të mëdha aleate që bëjnë fatet e botës të adresojnë në këtë kanal, është puna e tij të bindet apo të mos bindet që të vazhdojë çështjet gjyqësor.
Më duket se po i bën dëm jashtëzakonisht të madh PD. Shumë njerëz të PD e fusin kokën në rënë si struci, por shqetësuese është që Berisha nuk arrin ta pranojë një situatë të tillë, më shqetësuese është apatia e institucioneve shqiptare.
Një indicie nga ambasada franceze për pritjen zyrtare tregon se kjo mund të shtrihet dhe në vende të tjera. Nuk di se çfarë do zoti Berisha të bëjë më me karrierën e vetë.
Por ai po e prish dhe historinë e vetë, për shkak të një këmbëngulje jo të zakonshme.
Për shpalljen e dytë “non grata” të Berishës dhe rikthimin në skenë të emrit të ish-këshilltarit për zgjedhjet, Damir Fazlliç dhe padisë ndaj tij për aktivitet kriminal, Andoni thotë se nuk beson që kryedemokrati të mos e ketë ditur.
Fazlliç ka qenë deri në mbledhjen e Komisioni të Sigurisë Kombëtare të vendit tonë, kjo tregon se institucione të tilla ose janë të papërgjegjshme dhe nuk kanë filtrat e duhur, por nuk mendoj se institucionet tona me gjithë brishtësitë e veta, të mos kenë elementë për Damir Fazlliç.
Por ja ku jemi, është një proverb latin që thotë ‘faktet i hedhin poshtë argumentet’. Jemi përpara një fakti.
Vazhdohet akoma me Soros, i cili nuk ka peshë në Angli dhe nuk mund të bëjë peshë në një politikë ultra të djathtë që një politikë si e Soros të ketë ndikim.
PD ka shumë probleme identifikimi që po ia bëjnë shumë të lehtë mandatin e tretë zotit Rama.
PD ka nevojë realisht për një përfaqësim krejt tjetër me gjak të ri, nëse nuk ke demokraci brenda partisë si mund të bëjë demokraci për të ardhmen, duhet ti shohë realisht akuzat kundër tij.
Nëse sistemi i drejtësisë vazhdon të flejë siç po fle, kjo amulli do të zgjasë.
