Në periudhën 2016-2022, pra për 7 vite qytetarët e Qarkut Tiranë paguajnë një Taksë për Infrastrukturën Arsimore, taksë kjo sipas bashkisë së kryeqytetit do të shërbente për cilësi të shkollave, kopshteve dhe çerdheve, çdo familjari e biznesi për 7 vite u është shtuar në faturen e ujit taksa për arsimin, taksës për arsimin i janë nënshtruar të gjitha familjet e bizneset që banojnë ose qē ushtrojnë veprimtari ekonomike brenda territorit të Bashkisë së Qarkut Tiranë.
Niveli i taksës për familjarët 150 lekë çdo muaj, ose sipas bilancit vjetor 1800 lekë, për bizneset sipas klasifikimit ka variuar nga 4 mijë lekë për biznesin e vogël deri në 37 mijë lekë në vit për ato biznese që quhen VIP, që janë me rëndësi, ky detyrim është evidentuar në faturën e konsumit të ujit dhe pagesa është bërë së bashku me faturën e ujit, pra shohim një abuzim të hapur, ku me mijra qytetarë kanë paguar gjithë këto vite, dhe fëmijët sërish kanë vajtur në shkollë me 2 turne dhe ambjente pa sistem ngrohje, ose me sistem të instaluar, por qe JO në funksion.
Ministrja Kushi deklaroi se shkollat për shkak të kushteve klimatike do mbylleshin për tre ditë për arsimin parauniversitar, pse do ndodhi kjo Zonja Ministre, kur neve qytetarët e qarkut Tiranë kemi paguar taksen për infrastrukturen në arsim për 7 vite?!
Dikush duhet te mbajë përgjegjësi për mos funksionimin e sistemi të ngrohjes në shkolla, dhe sigurisht duhet të kemi kërkesë llogarie nga qytetarët që kanë paguar taksën e arsimit për gjithë këto vite, ne si studentë e kundërshtojmë këtë vendim për mbylljen e shkollave me datat 24, 25 dhe 26 Janar, taksat i paguajmë për mirëqenien në arsim dhe jo për t’i dhënē disfatën arsimit, ato miliona lekë qē janë mbledhur këto vite të bëhen transparente dhe të investohen, mos luani xhepash me të rinjtë shqiptarë! (Infopressabania/ Gj. Prenga)