Ish-deputeti Eduart Ndocaj, ose siç e njohim edhe si “Kaubojsi” ka lënë pas krahëve politikën, duke u përkushtuar me kohë të plotë pasionit të tij për pikturën.
Politika dhe piktura kanë ecur mjaft mirë gjatë rrugëtimit të tij, e pas përballjeve të forta në Kuvend dhe në gara të ndryshme elektorale, duke rivalizuar denjësisht dy forcat e mëdha politike, duket se pasioni i tij i madh për pikturën dhe tablotë plot ngjyra nuk e kanë tradhtuar e lënë në mes të rrugës asnjëherë.
Në këto ditë të nxheta korriku, ish-deputeti sharmant dhe karizmatik Eduart Ndocaj, teksa shfaqet përmes një video duke u relaksuar në telajon e tij, ka gjetur formën më të mirë për të përcjellë adrenalinën që i shkakton piktura dhe mesazhet që ai adreson.
Pavarësisht impenjimeve si politikan dhe drejtues i një niveli komëtar, angazhimeve në biznesin e tij jashtë vendit, asnjëherë nuk e ka lënë pas dore pikturën, teksa kohë pas kohe gjen hapësira të mendojë edhe për ekspozita të ndryshme, me të cilat është prezantuar para ardashësve shqiptarë me mjaft cilësi të lartë, së fundi ai po mendon edhe për ekspozita jashtë kufijve.
Për tu vecuar është fakti se, Ndocaj ka guxuar edhe më shumë në këtë fushë, duke paraqitur para publikut të gjithë arsenalin e tij në këtë zhanër dhe duke marrë vlerësime të mëdha, jo vetëm nga artdashës, por edhe kritkë të njohur të artit botëror.