Tashmë nuk është më mister fakti që presidenti i Shteteve të Bashkuara, Donald Trump, ka mbështetjen e këngëtares shqiptare, Bleona Qerreti e cila jeton prej vitesh në SHBA. Ajo është shfaqur në disa foto që i ka shpërndarë në rrjetet sociale, duke marrë pjesë në mbledhjet e fushatës së Trump.
Megjithatë, Bleona nuk është e vetmja shqiptare që kërkon rizgjedhjen e Trump për një mandat të dytë. Në stafin e fushatës së presidentit është edhe Evi Kokalari, aktivistja e njohur shqiptaro-amerikane.
Ato janë shfaqur të dyja në një takim elektoral në Miçigan, teksa mungojnë vetëm 3 ditë nga zgjedhjet në SHBA.
Bleona ka postuar një foto në Instagram, me Evi Kokalarin, ndërsa në mes tyre është Riçard Grenell, këshilltari që presidenti Trump e emëroi të dërguarin special për dialogun Kosovë – Serbi.
Grenell është gjithashtu një pjesë e rëndësishme e fushatës së presidentit Trump. Në foton e shpërndarë nga Bleona i duket duke folur në një sallë të mbushur me posterat e fushatës së presidetit të SHBA.
