Kreu i PLL, Shpetim Axhami përmes një deklarate të shpërndarë, ka dënuar aktin e djegies së flamurit shqiptar nga një minoritar grek, duke shënuar kështu një incident të panevojshëm dhe aspak të duhur në kushtet kur lipset një raport i drejtë me bazë fqinjësinë e mirë, në mes vendeve të Ballkanit.
Ngjarja e ndodhur në një prej bulevardeve të qytetit të Sarandës, është përcjellë me tension nga qytetarët dhe nga një pjesë e politikës, por siç nënvizohet në deklaratën e legalistëve, ky nuk është akt i një personi, por i një prapavije që nxit frymën e shovinizmit ekstrem dhe i qarqeve yë caktuara helene.
Kryelegalisti Axhami, i bën thirrje kryeministrit Rama të reagojë urgjentisht në lidhje me këtë incident, si dhe kërkon nga SPAK, fillimin e hetimit për të ndriçuar burimin e këtyre veprimeve të përsëritura.
Deklaratë e Partisë Lëvizja e Legalitetit.
Partia Lëvizja e Legalitetit, dënon aktin e turpshëm kriminal të djegjejes së flamurit shqiptarë, nga një mimoritarë grek, në një prej bulevardeve të qytetit të Sarandës.
Për PLL, ky akt nuk është thjeshtë një veprim individual prej një personi, por e ka burimin tek politika shoviniste e qarqeve të caktuara greke, që herë pas here ngrenë krye në të keqen e kombit shqipëtarë.
Qeveria shqipëtare dhe KM Rama, urgjentësisht duhet të reagojnë kundrër një akti të tillë, SPAK gjithashtu duhet të nis hetimet për të vërtetuar ku e kanë burimin aktet e tilla të përsëritura.
Ne jemi dhe shprehemi për një fqinjësi të mirë, por gjithmonë kur edhe pala greke të jetë transparente dhe e hapur, për të reaguar ndaj këtyre akteve dhe për të ju kthyer të drejtat e shqiptarëve të mohuara dhe të vjedhura me genocid ndërvite.
Rroftë flamuri ynë kombëtarë.????????
