Nga Bislim AHMETAJ
Para pak ditësh pak pas mesnatës më ra telefoni gjatë. U zgjova, e mora.
-Jam Marku, Marku i FB-ës.
-Po, e mora vesh të njoha nga zëri, ç’ e mirë të çoj të më thërrasësh në këtë orë të vonë?
A e di që nesër fillon Ramazani?
Po e di , po ç’punë ke ti me Ramazan, A nuk je i krishter, apo helbete ke ndërrue fe?
-Jo, jo, fe s’kam ndërrue po kam një lumë me konsumatorë të kësaj feje dhe jo vetëm s’dua ti humbas, por përkundrazi dua ti shtoj, bile edhe ti respektoj.
Po mirë ba ça të duash, në qoftë se do mund ta mbash edhe ti Ramazanin, këndej nga anët tona festat i bajmë bashkë e vuajtjet vetëm. Besoj ke dëgjuar për harmoninë fetare në Shqipëri.
-Të thirra në telefon në këtë orë me të thanë që muajin e Ramazanit do të jesh mes dy zgjedhjesh: Ose duhet ta ndërpresish përdorimin e Facebook-ut ose alkolin.
Po ç’lidhje ka FB-ja me fenë Mark!, A mos je çue jerm?
-Ka lidhje që çke me të, e kam në kontratë me përfaqësuesin e klerit mysliman.
Mark kthjellou , Ramazani ashtë një sakrificë si puna e kreshmeve tuaja që hani veç barishte para Pashkëve, te myslimanët për nji muaj nuk hahet, as nuk pihet përgjatë gjithë kohës që toka ndriçohet prej diellit.
Unë e kam kontratën ndryshe vecanërisht për ju shqiptarët e besimit mysliman. Ose ju ndërpres FB-në ose duhet të lini për një muaj alkolin, kjo është prova e durimit dhe besimit.
Pa ushqim dhe pa ujë përgjatë ditës ashtë e lehtë sidomos në Shqipëri që moti ashtë i freskët. Musliman i vërtetë shqiptar ashtë ai që agjinon duke e ndaluar për 30 ditë ose FB-në ose alkolin. E dua përgjigjen shpejt , se kam gjithë ato telefonata me ba, po zbardh dita dhe nis Ramazami, banë zgjedhjen.
Mark unë zgjodha, mos ma prej Facebook-un dhe mos na harro, dil nga qershori e ta pimë ndonjë gotë venë.
Telefoni u mbyll dhe unë vazhdova të lundroj në FB…
