Ish-deputeti Eduart Ndocaj, i njohur për qëndrimet e tij opozitariste dhe për për oponencën e vazhdueshme që i bën qeverisjes së Edi Ramës, përmes një postimi në profilin zyrtar, ka renditur 10 arsye për të cilat Edi Rama, ka “meritë” të padiskutueshme në qeverisjen e tij të këtyre 7 viteve.
“Kaubojsi” në postimin e tij, ka listuar disa nga dështimet e qeverisjes së Edi Ramës, duke shtruar para lexuesve habinë e madhe se si një kryeministër me të tilla rekorde qeverisëse, ka drejtuar këtë vend, dhe vazhdon akoma te jetë në krye të qeverisjes së një vendi që aspiron për celjen negociatash me BE-në.
Ish-deputeti Ndocaj, edhe pse ka qenë pjesë e grupit parlamentar të PS, mbahet mend si një deputet që asnjëherë nuk është rreshtuar me politikat qeverisëse të Edi Ramës, të cilat gjithnjë i ka kundërshtuar, si dhe për qëndrimet e tij kundër koncensioneve dhe meknaizmave që favorizonin oligarkinë dhe mafian ekonomike që po shtrinte tentakulat e saj në arteriet dhe sektorët kryesorë ekonomikë të vendit.