Nga Dr. Rovena VATA
Më 6 janar 1882, në fshatin Edrine, i banuar nga shqiptarët, lindi Theofan Stilian Noli, i njohur si Fan Noli, shkrimtari, studiuesi, diplomati, politikani, historiani, oratori dhe themeluesi i Kishës Ortodokse të Shqipërisë, i cili shërbeu si Kryeministër dhe regjent i Shqipërisë më 1924 gjatë Revolucionit të Qershorit.
Foto e bërë në Federatën Panshqiptare “VATRA” New York, me datë 02.11.2019, në simpoziumin e mbajtur, me rastin e 148 vjetorit të lindjes së At Gjergj Fishtës…
Kujtojmë se imazhi dhe vepra e At Gjergj Fishtës është vlerësuar qoftë nga Fan Noli, qoftë nga Faik Konica.
Sa i përket Fishtës, Noli kishte një respekt të veçantë e besim të padiskutueshëm për gjithë veprimtarinë e At Gjergj Fishtës. “I kam thanë At Fishtës-thotë ai në një takim Gjeçovit, – të jeni të sigurt se mendjen e zemrën e kam për bashkimin me Kishën Katolike” (Publicistikë, f.98).
Shtjefen Gjeçonin e kishin mik të përbashkët edhe At Gjergj Fishta me Faik Konicën. Ndërsa, Fishta dhe Noli, kanë pasur një mirëkuptim të pazëshëm.
Për At Gjergj Fishtën, Faik Konica është shprehur: “Ishte njëri nga shkrimtarët me kulturë më të gjerë të të gjitha kohëve”. “Kot përpiqen grekët e sotëm të gjejnë në letërsinë e tyre një vepër më të plotësuar se “Lahuta”- shprehet Faik Konica.
