Kreu i Partisë lëvizja e Legalitetit, Shpetim Axhami ka përshëndetur vendimin e kuvendit malazez për të miratuar ligjin për Zgjedhjen, Përdorimin dhe Shfaqjen Publike të Simboleve Kombëtare, i cili iu garanton pakicave kombëtare në këtë vend të vendosin në publik këto simbole dhe të festojnë festat e tyre.
Kryelegalisti Axhami, në deklaratën e shpërndarë për media, ka nënvizuar, se për partinë që ai drejton, “çështja kombëtare ngelet mbi gjithçka, për këtë kemi detyrim të gjithë”, duke vënë theksin në sakrificat dhe kalvarin e gjatë të shqiptarëve si dhe në betejat e tyre epike në mbrojtje të sovranitetit dhe paprekshmërisë territoriale.
Ne, jemi për një fqinjësi të mirë me këdo, – shprehet Axhami, -“por në këto kohë të turbullta është e rëndësishme të dallojmë miqtë e vërtetë nga ato që nuk i kanë dashtë asnjëherë të mirën kombit shqiptar”, duke lënë të kuptohet se e ashtuquajtura “marrëveshje e mini-shengenit Ballkanik”, ka shumë pikëpyetje dhe vjen e pavend në sfondin e zhvillimeve gjeopolitike, duke trazuar së tepërmi ndjenjat e shqiptarëve anëkënd botës, të cilët ndjehen të frustruar dhe të tradhtuar nga lidershipi qeverisës, që në emër të kolltukut të tij kryeministror, po atrofizon dhe po shkel mbi gjakun e shqiptarëve të vrarë në kauzën e tyre për identitet dhe pavarësi.
Në fund të deklaratës, kreu i PLL, i ka mëshuar me forcë qëndrimit koheziv të shprehur në mënyrë të vazhdueshme nga ai dhe subjekti i tij politik se, çdo marrveshje me interes të njëanshëm dhe në dëm të Shqipërisë, Kosovës, Çamërisë, domethënë në dëm të kombit shqiptarë në tërësi, do të konsiderohet e pavlerë dhe se do të ketë reagimin e fuqishëm të shqiptarëve, të cilët do u sigurojnë një fund të hidhur duke cuar në koshin e mbeturinave të kombit, firmëtarët dhe idetorët e palës shqiptare, kushdoqofshin ata.
Deklaratë për mediat.
Shqiptarët e Malit të Zi, të lirshëm me flamurin e tyre kombëtar.
Partia Lëvizja e Legaltetit, përshëndet miratimin e ligjit për simbolet nacionale në Mal të Zi.
E drejta e përdorimit të flamurit shqiptarë dhe e simboleve të tjera kombëtare për çdo shqiptarë kudo ku gjendet, është një nga të drejtat themelore të njeriut, kjo e drejtë duhet të respektohet nga çdo vend fqinjë i Ballkanit.
Për PLL çeshtja kombëtar ngelet mbi gjithçka, për këtë kemi detyrim të gjithë, pasi janë të shumtë shqiptarët që kanë sakrifikuar çdo gjë për kombin e tyre, dhe gjithashtu janë të shumta padrejtësitë, territoriale dhe shkomtarizuese, shekullore që janë bërë në kurriz të kombin tonë.
Ne, jemi për një fqinjësi të mirë me këdo, por është shumë e rëndësishme të dallojmë miqtë e vërtetë nga ato që nuk i kanë dashtë asnjëherë të mirën kombit shqiptarë,
të cilët çdo marrveshje e shikojnë me interes të njëanshëm dhe në dëm të Shqipërisë Kosovës, Çamërisë, domethënë në dëm të kombit shqiptarë në tërësi.
????
