Nga Elona CASLLI
Në këtë pikë tragjike ku gjendet vendi, duhet të mbajmë një qëndrim. Thonë se ka një kohë për të vëzhguar sikundër ka edhe një kohë për të vepruar. Shndërrimi i vëzhgimit në veprim përbën atë që quhet qëndrim qytetar.
Demokracia nuk i përket Opozitës. Demokracia i përket çdo shqiptari. Fjala e lirë nuk i përket Opozitës. Fjala e lirë i përket çdo shqiptari.
Çdo përpjekje për ta ngjyrosur qëndrimin qytetar me ngjyrim partiak, nuk bën gjë tjetër veçse krijon një alibi ranore për ata individë asnjanës që nuk duan të mbajnë një qëndrim, në këtë çast tragjik për vendin.
Për asnjëanësit Elie Wiesel ka një mesazh :- Asnjëanësia ndihmon Shtypësin dhe kurrë të Shtypurin. Heshtja ndihmon Torturuesin dhe kurrë të Torturuarin.
Post Scriptum- Nuk duhet medoemos t’i përkasësh Opozitës për të mbajtur një qëndrim,duhet t’i përkasësh veçse lirisë.
