Nga studio e “Kjo Javë”, ish Ministrja e Jashtme, Arta Dade, ka deklaruar se Rama nuk mund të vazhdojë më të jetë në krye të qeverisë. Sipas Dades, mandate i dytë i kryeministrit është i mbushur me dështime. Teksa bën thirrje për reflektim, Dade shprehet se me Ramën vendi nuk mund të ketë progres, por vetëm regres.
“Nuk ka një PS në kuptimin e asaj që ne themeluam dhe që krijoi një përvojë pozitive të qeverisjes. Në ’97 ne morën mjaft vota, por qeverisëm me koalicion. Mandati i dytë i Ramës, që po qeveris vetëm, është më shumë me dështime.
Partia socialiste ka humbur identitetin. Rama ka devijuar nga programi dhe nuk mund të jetë lider i PS. Për mua një intelektual me vizion të qartë, që të punojë seriozisht, do ta zëvendësonte. Rama duhet të ikë, nuk do të ketë progres me të, vazhdon regresi, aq më pak me ministrat, si ky i Jashtëm, që nuk e merr njeri seriozisht. Rama e ka marrë për dore, ndaj është aty. Nuk ka ministra, është vetëm një “one man shoë”, vendi po rrëshqet. Duhet reflektim. Me Ramën nuk mendoj se do të ketë progress por vetëm regres.”, është shprehur Dade.